Бүгін «Nur Otan» партиясы аудандық филиал төрағасының бірінші орынбасары Қуат Байғоджаев аудан тұрғындарымен тікелей эфирде кездесу өткізді.

Ауданның жетістіктері талқыланған шарада қордаланған мәселелер де көтерілді. Жолдардың мәселесін айтқан тұрғындарға Қуат Сұлтанұлы Мемлекет басшысының тапсырмасымен елді мекендердің жолын жөнге келтіруге ауқымды қаражат бөлініп, игеріліп жатқандығын айтты. Сонымен қатар, жыл сайын «Өңірлерді дамыту» бағдарламасы аясында әр округте 1-2 көше жөндеуден өтетіндігін жеткізді. Және бұл жұмыстар жергілікті қауымдастықпен ақыласа отырып атқарылады.

Жиын барысында Қуат Байғоджаев еліміздегі карантиндік жағдайға қарамастан ауданды көркейту жұмыстары қарқынды жүргізіліп жатқандығын алға тартты. Айтуынша, биыл аудан орталығында көптен жөндеу көрмеген көшелерге асфальт төселіп, орталықтағы көшелерге жаңа тротуарлар жасалып жатыр. Кіре-берістегі аркадан қалаға дейінгі жол кеңейтіліп, жаяу жүргінші өткелі жақындай пайдалануға берілген. Жаяу жүргіншілер жолы да ұмыт қалмаған.

С.НҰРАДИН