Қазақстан Республикасы Тәуелсіздігінің 30 жылдығына орай Асы ауылдық округінде «Балаға мейірім сыйлайық!» атты  акция өтті.

Акция алдында көпбалалы, аз қамтылған отбасыларда тәрбиеленіп жатқан көмекке мұқтаж балаларының тізімі жасақталған болатын. Қайырымдылық шарасы барысында М.Әуезов атындағы орта мектептен 30 оқушыға, Диқан орталау мектебінен 5 оқушыға, И.Саттаров атындағы орта мектептен 25 оқушыға, Жаңашаруа орта мектебінен 5 оқушыға, Т.Қабылов атындағы орта мектептен 15 оқушыға, жалпы 80 оқушыға қыстық киімдер табысталды.

Оқушыларға қуаныш сыйлауға «Орта Азия консалтинг және ресурстар» қоғамдық қоры демеушілік етті. Округ әкімі Ұ.Сағынбеков демеушілермен бірге тізімдегі әрбір балаға киім табысталу барысын, киім өлшемдерінің дұрыс келуін басты назарға алды.

Акцияға қатысқан мектеп басшылары мен ата-аналар демеушілерге ризашылықтарын білдірді.

Нұрлан ҚАЛИАҚБАРОВ,

Асы ауылдық округі әкімі аппаратының  бас маманы.