Еңбекшіқазақ ауданаралық көпсалалы ауруханасында бас дәрігердің орынбасары Гүлмира Отынбекованың басшылығымен аудандық емхана мен аудан амбулаторияларында «Алғыс айту» күніне арналған «Ашық есік» күні өткізілді.

Осыған орай тұрғындар медициналық түрлі тексерулерден өтіп, арнайы мамандармен, СӨСҚ қызметкерлерімен әңгімелесу жұмыстары жүргізілді.

СӨСҚ дәрігері ретінде емханаға келген Еңбекшіқазақ ауданының тұрғындарына қауіп-қатер мінез факторларының алдын алу бойынша мәлімет беріп, қазіргі уақытта бүкіл әлемге таралған ауру – коронавирус туралы жан-жақты ақпараттандырдым.

Кез келген тұрғын дерттің алдын алу үшін, әрі бүкіл қоғамның амандығы үшін карантин талаптарын қатаң сақтағаны дұрыс. Ол үшін: автобус, таксиге отырғанда, мекемелерге барғанда қолды бет-ауызға тигізбеуі керек; әр 2 сағат сайын қолды сабынмен жуып тұру; үнемі маска тағып жүру және әр 3 сағат сайын жаңасын ауыстырып кию, тәулігіне 2 литрдей ыстық су (40-50 градус) ішу; адам көп жиналған жерге бармауы керек. Егер де сіздің басыңыз аурып, температураңыз көтерілсе, жөтел болса, тез арада дәрігерге қоңырау шалыңыз. СӨСҚ мейірбикесі Тулегенова Ж.Х. емханаға келген Енбекшіқазақ ауданының тұрғындарына осы айтылған мәселелер бойынша ақпараттық оқу материалдарын таратты. Ауданның әр өңірінде өткізілген бұл «Ашық есік» күніне халық көп келді. Іс-шараны өткізудің мақсаты – адамдардың сыйластық құндылығы туралы түсініктерін кеңейту, әрі тұрғындардың денсаулығын тексеріп, коронавирус жайлы көбірек мағлұмат беру.  

А.С. Нысанбаева,

СӨСҚ дәрігері