Жақында Қазақстан Республикасы Мемлекеттік қызмет істері агенттігінің Алматы облысы бойынша департаментінің бастамасымен мемлекеттік қызмет көрсету сапасын арттыру мақсатында ауданымыздың «Ашық әкімдігінде» «Халық үніне құлақ асатын мемлекет» тұжырымдамасы аясында мемлекеттік қызмет көрсету сапасының мәселелері бойынша қоғамдық қабылдау өтті.
Қабылдауды аудандық ардагерлер кеңесінің төрағасы Т.Ұзақов, «Алматы облыстық агроөнеркәсіптік кешені және мемлекеттік мекемелер қызметкерлері кәсіподағы» қоғамдық бірлестігі аудандық филиалының төрағасы Г.Егенбаева және өзге де мемлекеттік қызмет көрсету бөлімдерінің жетекшілерінен құралған аудандық ведомствоаралық комиссия мүшелері жүргізді. Аудандық жер қатынастары, сәулет және қала құрылысы, тұрғын үй және тұрғын үй инспекциясы бөлімдерінің басшылары, аудандық жұмыспен қамту және әлеуметтік бағдарламалар бөлімінің әлеуметтік көмек секторының меңгерушлері аталған қабылдауға қатысты. Қабылдау барысында аудан тұрғындарының көптеген сұрақтарына жауап беріліп, мемлекеттік қызмет көрсету аясындағы толғақты түйіндерге кеңестер берілді. Сондай-ақ мемлекеттік қызмет көрсету сапасы бойынша енгізілген ұсыныстар да назардан тыс қалмады. Қоғамдық қабылдауға қатысқандар «Халық үніне құлақ асатын мемлекет» тұжырымдамасының мемлекеттік қызмет көрсетуге тыңнан серпін беретіндігіне көз жеткізіп қайтты.
Ерзат АСЫЛ
