Өңірдегі эпид ахуалға көз жүгіртсек, бір тәулікте 220 адам індеттің ілмегіне іліккен. Сәуірдің бірі күнгі нәтижелерге сәйкес, зертханалық талдау қорытындысы 13 мыңнан астам адамнан вирус табылғандығын анықтап отыр.
Олардың 6492-де ауру белгілері бар болып шыққан. Сәйкесінше, аймақта індеттің өсу қарқыны 1,6 % -ды құрап отыр.
Облыс аумағында Текелі, Талдықорған қалалары мен Көксу, Қаратал, Ескелді, Панфилов, Ақсу аудандарында «COVID-19» індеті өршіп тұр дейді мамандар.
Бүгінгі күнге Еңбекшіқазақ ауданында науқастармен жақын байланыста болған 837 адам үй жағдайында оқшауланып, медициналық бақылауда отыр. Барлық ошақта індетке қарсы іс-шаралар атқарылып, байланыста болған адамдар зертханалық тексерумен қамтылды.
COVID-19 коронавирустық инфекцияның пандемиясы басталағалы (2020ж. наурыз) Еңбекшіқазақ ауданының 1168 тұрғынында індет зертханалық расталған. Олардың 1036-сы (88,6%) аурудан сауығып шыққан.
