Осы жылдың 4 сәуір күні «Nur Otan» партиясының сайлауалды бағдарламасының нақты бағыттарының іске асырылуын бақылау бойынша 14 республикалық қоғамдық кеңес құрылды. Партия Лидерінің алға қойған міндеттерін ескере отырып, ең алдымен партияның сайлауалды уәделерінің орындалуына жүйелі бақылау, бюджет қаражатының тиімді және ашық жұмсалуына монинторинг жасау қамтамасыз етіледі. Тиісінше, аумақтық және аймақтық партия филиалдары жанынан қоғамдық кеңестер құрылып, облыстық және аудандық Саяси кеңес бюроларының қаулысымен бекітілді.
Кеше «Nur Otan» партиясы Еңбекшіқазақ аудандық филиалы жанынан құрылған «Аграрлық сектор» бағыты бойынша аудандық қоғамдық кеңестің бірінші отырысына өтті.
Аграрлық кеңестің басты міндеті – ауыл шаруашылығы саласындағы сайлауалды уәделердің іске асырылуын бақылау. Жайылымдық жерлердің, ауыл шаруашылығына қажет судың жетіспеушілігі, маман тапшылығы, тұқымдардың қымбаттығы мен тозығы жеткен техника.
Күн тәртібінде 3 мәселе қаралды:
1. Кеңестің негізгі міндеті, жергілікті жерлердегі Сайлауалды бағдарламалар туралы.
2. Аудандық «Аграрлық сектор» бойынша кеңес мүшелерін таныстыру.
3. Қоғамдық кеңестің 2021 жылға арналған жұмыс жоспарын талқылау және бекіту.
Еңбекшіқазақ аудандық филиалы жанынан құрылған «Аграрлық сектор» бағыты бойынша аудандық қоғамдық кеңестің төрағасы болып – ауданымыздың құрметті азаматы, «Саламат» шаруа қожалығының басшысы, аудандық VII шақырылым маслихат депутаты. Ибдиминов Раимжан Білімұлы тағайындалды.
Ауыл шаруашылығы саласындағы шешімін таппаған түйіткілді мәселелер «Аграрлық сектор» бағыты бойынша қоғамдық кеңестердің отырысында талқыланатын болады.

А.ҒАБИДЕН