Тіл – халықтың жаны. Сондықтан оны қастерлеп, құрметтеу – әрбіріміздің азаматтық борышымыз. Бүгінде Шелек ауылдық округінде мемлекеттік тілдің қолданылуына ерекше мән беріліп, халыққа қызмет көрсету нысандары мен қоғамдық көліктердегі деректемелер, көрнекі ақпараттарда тіл нормаларының ҚР «Тіл туралы» және «Жарнама туралы» Заңдарының талаптарына сәйкес рәсімделуі, олардың сауатты жазылуын қамтамасыз етуге баса назар аударылуда. Сонымен қатар, ҚР «Тіл туралы» Заңы 21-бабының талаптарын тұрғындарғатүсіндіру шаралары тұрақты түрде жүргізілуде.

Түсіндіру жұмыстары барысында 20-ға жуық нысан зерделеніп, атауы тек орыс тілінде жазылған, мәтіндердің орналасу тәртібі сақталмаған, орфографиялық қателері бар сауда үйлері, жиһаз, азық-түлік, автобөлшектер дүкендері және сұлулық және фото салондарының кемшіліктерін ескере келе, жалпы саны 10-ға жуық нысан иелеріне кемшіліктерді түзету мерзімдері белгіленді. Толықтырулар мен қателіктерін түзету туралы ескертпе хат ұсынылды. Алдағы уақытта да көрнекі ақпараттарды тіл нормаларына келтіру мақсатында атқарылатын жұмыстар жүйелі түрде жалғаса бермек.

Майра ЖАМПОЗОВА,

«Шелек ауылдық округі әкімі аппараты» ММ-нің жетекші маманы