Жақында «Nur Otan» партиясы  аудандық филиалы жанындағы сыбайлас жемқорлыққа қарсы іс-қимыл жөніндегі қоғамдық кеңестің отырысы өтті. Отырыста баяндамалар  тыңдалып, бірнеше  қаулы  қабылданды.

Отырысқа «Nur Otan» партиясы Алматы облыстық филиалы жанындағы сыбайлас жемқорлыққа қарсы іс-қимыл жөніндегі қоғамдық кеңестің төрайымы Р.Салықова, «Nur Otan» партиясы аудандық филиалы төрағасының бірінші орынбасары Қ.Байғоджаев, аудандық мәслихат депутаттары К.Карагулова, Э.Байшеков, В.Вальков, Б.Рахимов қатысты.

Ең әуелі Есік гуманитарлық-экономикалық колледжінің сыбайлас жемқорлыққа қарсы іс-қимыл жөніндегі атқарған жұмысы туралы ЕГЭК директоры А.Жылқыбаев баяндама жасады. Колледж директоры  баяндамасында жемқорлыққа қарсы күрестің маңыздылығына тоқталып, оған жол бермеу үшін оқу ордасында қолға алынған түрлі жобаларды  тілге тиек етті. « Жастардың бойында сыбайлас жемқорлыққа қарсы мәдениет қалыптастыру үшін жастарымыз сыбайлас жемқорлықты мемлекет дамуын тежейтін аса қауіпті дерт  деп қабылдауы тиіс. Біз шәкірттеріміздің  бойында коррупцияға қарсы мәдениет  қалыптастыруға басымдық беріп келеміз», – дейді А.Жылқыбаев. Қоғамдық кеңестің отырысында сөз алған аудандық мемлекеттік кірістер басқарма басшысының орынбасары А.Қайыпжан аталған мекемеде коррупциямен күрестің қалай жүзеге асып жатқанын жан-жақты айтып берді. Соңында кезекті отырыста қабылданған  қоғамдық кеңес қаулысына сай «Электрондық үкімет» веб-порталы, өзіне-өзі қызмет көрсету бұрыштары арқылы көрсетілетін мемлекеттік қызметтер сапасы мен мерзіміне сәйкес уақытылы жұмыс жүргізуі қадағаланды. Сонымен бірге мемлекеттік қызметтерді көрсету сапасын арттыру және мемлекеттік қызметтерді электронды түрде көрсетуді насихаттау бойынша түсіндірме жұмыстары жүргізіліп, жергілікті атқарушы органдарда көрсетілетін мемлекеттік қызметтердің сапасы мен біліктілігін мерзімдеріне сәйкес  қатаң бақылау сынды  мәселелер назарға алынды.

Ерзат АСЫЛ