«Ауыл әкімдерінің өткен тікелей сайлауында алғаш рет сайлаушыларға «Бәріне қарсы» дауыс беру мүмкіндігі іске қосылды. Мемлекет басшысы мұндай норманы сайлау заңнамасына енгізу қажеттігі туралы биыл қаңтар айында Парламент Мәжілісінің жаңа шақырылымның бірінші сессиясында мәлімдеген болатын.

Бұл баған азаматтардың балама ұстанымын заңды түрде білдіру құқығын кеңейтеді. Мысалы, БАҚ-та хабарланғандай, Қарағанды облысы бойынша «Бәріне қарсымын» бағаны Ақтоғай ауданының Шашубай кентінде ең көп белгіленген (116). Бұл дауыс бергендердің 7%-ы. Ал бүкіл Маңғыстау облысында бұл құқықты тек 279 адам пайдаланған», - деп жазады Еран Қарин.

Президент көмекшісі осылайша, әкімдер сайлауы Президент жүргізіп отырған саяси реформалардың тиімділігін көрсетіп, олардың барлық тармақтары практикада дәйекті түрде іске асырылып жатқанына көз жеткізгенін айтады.