Сүйінші жаңалықпен бөліскенге не жетсін?! Жақында «Nur Otan» партиясы-ның Еңбекшіқазақ аудандық филиалы Алғыс хатпен марапатталды.
«Nur Otan» партиясының Еңбекшіқазақ аудандық филиалы Қазақстан Республикасының Тұңғыш Президенті, Елбасы, Партия төрағасы Нұрсұлтан Әбішұлы Назарбаевтың стратегиялық бағыттарын, партияның бағдарламалық міндеттерін жүзеге асырудағы жауапкершілікті жақсы сезініп, жоғары белсенділік танытты. «Nur Otan» партиясы Алматы облыстық филиалының 2021 жылғы 6 айлық қорытындысы бойынша ішкі партиялық жұмыстарды өзге 20 ауданнан әлдеқайда жақсы ұйымдастырып, жемісті еңбек етті. Жұмыс жүйелі жүріп, жетістіктерге жету үшін қызметкерлерді қанаттандырып, жігерлендіріп отырудың жөні бөлек. Осыны ескерген «Nur Otan» партиясы Алматы облыстық филиал төрағасының бірінші орынбасары Г.Тойлыбаева аудандық филиалды Алғыс хатпен марапаттады.
Қ.МҰРАТҚЫЗЫ.
