Биыл еліміздің бірқатар аймағын қуаңшылық жайлады. Әсіресе, Маңғыстау облысындағы төрт түлік жем-шөптен тарықты. Бүгінде батыстағы ағайынға қолұшын бермек үшін өзге өңір жұртшылықтары асарлатып жеп-шөп жинауда. Бүкіл ел болып жұмылған бұл игі іске ауданымыздың азаматары да білек сыбана кірісті.
Жақында аудан азаматтары қуаңшылықтың зардабын тартқан Маңғыстауға жиналған жем-шөптің алғашқы легін жөнелтті. Ең әуелі Шелек бекетінде 300-ден астам адам арнайы құрбандық шалып, батыстағы ағайынға амандық тіледі. Аудан азаматтары жарты айдан бері маңғыстаулық ағайынға көмек ретінде мал азығын жинапты. Асарға атсалысқан азаматтардың сөзінше, қазірге дейін 25 вагонға жуық жем-шөп жиналған. Олар ауылауылдың ішінен, әрбір үйден бір, екі түктен осыншама қомақты жем-шөп қорын топтапты. Игі істің басы-қасында жүрген азаматтар кө-мектің алдағы уақытта жалғасын табатындығын, жылу, асар деген ата-бабаларымыздан келе жатқан өзін-өзі басқарудың бір ерекше институты екендігін айтты.
Ұйымдастырушылардың сөзінше, 25 вагон жем-шөп толығымен тиелген вагондар құрамы 30 шілде күні жолға шыққан. Жоспар бойынша ауданымыздың аманаты 10 тамызда Шетпе бекетіне жетуі тиіс. Маңғыстауға көмек көрсеткен ауылдардың көшін Қаратұрық ауылдық округіндегі Ащысай ауылы бастады. Аталған елдімекен маңғыстаулықтарға 2600 түк шөп, 3 тоннадан астам жем жөнелткен. Округ әкімі Айбек Ілебаев ауылдың ауызбіршілігіне алғыс айтып, елдімекеннің көркеюіне де жұрт жұмыла кірісетіндігіне сенім білдірді.
Ерзат АСЫЛ
