Асық ойыны – қазақ халқының дәстүрлі ұлттық ойындарының ең қызықты әрі өте кең тараған түрі. Сондықтан ғасырлар бойы халықтың зердесінде сақталып келген ұлттық ойынды өскелең ұрпақты тәрбиелеудің құралы ретінде пайдаланған жөн.

Жақында аудандық  жастар ресурстық орталығы және Қорам ауылдық округі әкім апа-раттының ұйымдастырумен «Асық ойнаған озар» атты аудан жастарының арасында асық ойынынан жарыс өтті. Мергендік пен ептілікті талап ететін бұл жарысқа Малыбай, Бартоғай, Қаратұрық, Саймасай, Асы, Қорам, Сөгеті ауылдық округтерінен топтық жекелей түрде ойыншылар қатысты.  Тартыстың көркі қызған додада мергендік танытқандар топтан оза білді. Жарыс нәтижесі бойынша топтық жарыста І орынды Сөгеті ауылдық округі, ІІ орынды Қаратұрық ауылдық округі, ІІІ орынды Шелек ауылдық округі еншіледі. Ал жекелей жарыста І орынды Саймасай ауылдық округінің қатысушысы Саят Бекқали, ІІ орынды Бартоғай ауылдық округінен Рамазан Мыргиясов, ІІІ орынды Қорам ауылдық округінен Саят Садық иеленді. Номинациялар бойынша Рамазан Мыргиясов үздік мерген деп танылды. Со-нымен қоса, бас төреші Айдын Әмірбекұлы асық ойыншыларын әділ бағалағаны  үшін Алғыс хатпен марапатталды.

Аружан ОРАЗОВА,

аудандық жастар ресурстық

 орталығының маманы.