ЖАҚЫНДА ЕЛ ТӘУЕЛСІЗДІГІНІҢ 30 ЖЫЛДЫҒЫ ҚАРСАҢЫНДА ҚАРТТАР КҮІНІНЕ ОРАЙ АУДАНДЫҚ МӘСЛИХАТ АППАРАТЫНЫҢ ҰЙЫМДАСТЫРУЫМЕН САН САЛАДА ҚЫЗМЕТ ЕТКЕН БІРҚАТАР АҚСАҚАЛДАР МЕН АҚ ЖАУЛЫҚТЫ  АНАЛАРҒА АУДАНДЫҚ МӘСЛИХАТ ХАТШЫСЫ БЕКЕТ ТӨЛЕГЕНҰЛЫ АЛҒЫС ХАТТАРЫН  ТАБЫСТАДЫ.

Тәуелсіздіктің нығаюы мен ауданымыздың түлеуіне үлес қосқан ел ағаларының басқосуында сөз алған Бекет Ахметов:

– Қазақ «Қариясы бар елдің қазынасы бар ел» дейді. Қарияларды құрметтеп, ардақтау біз үшін – парыз. Себебі, әрбір белес, әрбір асу, ол бір із. Талай күндер төккен  терімен толысып,  талай жылдармен тоғысып, еңбектен соң келіп жеткен осындай бір мәртебелі белестің маңызы зор. Осы орайда ақыл-кеңестің, үлгі-өнегенің сарқылмас кенішіндей болған қазыналы қарттарымыздың, ақ жаулықты аналарымыздың, ардегер аға-әпкелеріміздің өнегелі істері мен ауданымыздың дамуы үшін  төккен тері үшін шексіз алғысымды білдіремін – дей келе, өңірдің жаңа келбетін жасауға барын берген бағалы жандардың назардан тыс қалмайтынын жеткізді. Шараға қатысқан қарт-тар ауданымыз үшін келелі істерді кеңеспен шешуге дайын екендіктерін айтты.

***

БҮГІНГІ ЖАС БУЫНДЫ ОТАНСҮЙГІШТІККЕ ТӘРБИЕЛЕУ МЕН БЕЛСЕНДІ ӨМІР ҰСТАНЫМЫН ҚАЛЫПТАСТЫРУДА АРДАГЕР АТА-АПАЛАРЫМЫЗДЫҢ ӨМІРІ МЕН ЕҢБЕК ЖОЛДАРЫ – ЖАС ҰРПАҚҚА НАҒЫЗ ӨМІРДІҢ ОҚУЛЫҒЫ ІСПЕТТІ. ӨЙТКЕНІ МЫНАУ ҚҰТ МЕКЕНДЕ ОЛАРДЫҢ БАСҚАН ІЗІ САЙРАП ЖАТЫР. ҚАРТТАР КҮНІНЕ ОРАЙ АУДАН ӘКІМІНІҢ ОРЫНБАСАРЫ АЛТАЙ ДОСЫМБАЕВ ПЕН АУДАНДЫҚ АРДАГЕРЛЕР КЕҢЕСІНІҢ ТӨРАҒАСЫ ТІЛЕУЛЕС ҰЗАҚОВ ҰЛЫ ОТАН СОҒЫСЫ МЕН ТЫЛ АРДАГЕРЛЕРІН ҚҰТТЫҚТАДЫ.

Алдымен Ұлы Отан соғысы ардагерлері Солтан-бай Жарықбасов, Николай Савраев, Жылқыбай Тажіқұловтың отбасына арнайы барып құттықтап, сый-сияпат тарту етті. «Ерлік – елге мұра, ұрпаққа үлгі» деген Алтай Досымбаев сұрапыл соғыстағы майдангерлердің көрсеткен жаужүрек ерліктеріне бүгінгі ұрпақ бас иетінін жеткізді. Отан үшін кеудесін оққа тосып, бейбіт өмір сыйлаған қарт жауынгерлерге алғысын білдірді.

Бүгінде 103 жасқа келген Рахымбуви Жақаева мен 92 жастағы Күлдіқыз Тұңғатарова әжелеріміз Екін-ші дүниежүзілік соғыс кезінде тылдағы ауыр жұмыстардың бел ортасында болғандарын баяндады. Сұм соғыс балалық шағын ұрлап, ерте есейіп, еңбекке араласқан ақ жаулықты аналарымызға да сый-сияпат табыстады. Қарт-тарымыз әрдайым құрмет көрсетіп, әлеуметтік тұрғыда қолдау білдіріп жатқан билік өкілдеріне ризашылығын білдіріп, баталарын берді.

***

ЖАҚЫНДА АУДАНДЫҚ КІТАПХАНА ҰЖЫМЫ АУДАНЫМЫЗДЫҢ ҚҰРМЕТТІ АЗАМАТТАРЫН ШАҚЫРЫП, «КІМГЕ БОЛСА  ҚАРТТЫҚ ЖЕТЕР АЯҢДАП» АТТЫ СЫРСАНДЫҚ ҰЙЫМДАСТЫРДЫ.

Іс-шараға түрлі салада жемісті еңбек етіп, елінің ықыласына бөленген, бүгінде кітапхананың ең белсенді оқырмандарына айналған қарттар қатысты.  Кітапхана төрінде бас қосқан қарттар, өмір мен өнер, заман мен адам жайлы сыр шертіп, өзара ой бөлісті. Сонымен қоса  қарттарға кітапхана атынан сыйылықтар табысталды.  Шара  соңында Қаражота ауылдық мәдениет үйінің қызыметкерлері мерейлі  мерекеге орай ақ жаулықты аналарымызды құттықтап, гүл шоқтарын ұсынды

Ерзат АСЫЛ.