Әлемдегі мамандық атаулының ардақтысы – ұстаздық. Себебі, ұстаз әрбір адамның жүрегіне білім нәрін себетін аяулы тұлға және барлық мамандық иесін тәрбиелейтін ең  абзал жан.

Жаңа оқу маусымында «Қазақстан мұғалімі» ұлттық сыйлығын әлеуметтік маңызды бастамаларын дамыту қоры шығармашылықпен жұмыс істейтін, тәжірибеде қолдайтын дарынды мұғалімдерді ынталандыру, ауылдық мектептер арасында шағын грант иелерін анықтау мақсатында конкурс ұйымдастырды. Осы конкурсқа қатысқан  Тауқаратұрық ауылы, С.Аманжолов атындағы орта мектептің  бастауыш сынып мұғалімі Шарван Бакилова  топ жарды. Өзгелерден оза шапқан білікті ұстаз 1 миллион теңгенің сертификатын ұтып алды. Жүлде алған ұлағат иесі миллион теңгеге өзіне және аталған мектепке кабинетті жабдықтауға керек-жарағын алды. Қазіргі заман мұғалімі, шын мәнінде кемелді ұрпақ тәрбиелеуді өмірлік мақсат-мұраты санайтын, өзгелерге өнер-білім үйретіп жүрген сегіз қырлы, бір сырлы болуы шарт.  Шарван Бакилова осындай талаптарға сай ұстазымыздың бірі. Мектеп директоры Бағила Бағаева ұстазымызды жеңісімен құттықтап, марапаттады.

Тіпті қазіргі технологиялар ерекше дамыған заманның өзінде білім сапасын қамтамасыз етудегі мұғалім рөлін ешнәрсемен ауыстыруға болмайтындығын халықаралық тәжірибе көрсетіп отыр.  Демек, мұғалім біліктілігі бұл еліміздің бүкіл білім беру жүйесін алға жылжытып, оны заман талабына сай етіп құрудың басты кепілі болып табылады. Жас  ұрпақты, бәсекеге қабілетті етіп тәриелейтін, оқуға  деген қызығушылығын арттырып, заман талабына сай білім беретін, мектебіміздің мақтанышы, үлгілі де, өнегелі ұстазымыздың еңбегі жана берсін.

Гүлжан Калиаскарова,

педагог-ұйымдастырушы.