Жақында ел Президенті Қасым-Жомарт Тоқаевтың Жарлығымен Алматы облысының жаңа әкімі болып Қанат Алдабергенұлы Бозымбаев тағайындалған-ды. Кадрлық өзгеріске байланысты «Nur Otan» партиясы Алматы облыстық филиалының төрағасын сайлау үшін конференция шақырылады. Осыған орай апта басында «Nur Otan» партиясы Еңбекшіқазақ аудандық филиалы Саяси кеңес Бюросының отырысы өтті.

Жиында «Nur Otan» партиясы Еңбекшіқазақ аудандық филиалының кезектен тыс ХХV Конференциясын шақыру, күн тәртібін және бастауыш партия ұйымдарының жиналыстарынан делегаттарды сайлау жөніндегі квотаны бекіту сынды сұрақтар қаралды. «Nur Otan» партиясы қоғамдық бірлестігі Жарғысының 9.8 тармағына сәйкес «Nur Otan» партиясы Еңбекшіқазақ аудандық филиалының Саяси кеңес Бюросы қаулы қабылдап, кезектен тыс ХХV Конференция 2021 жылдың 13 желтоқсанына шақырылды және делегаттарды сайлау жөніндегі квота бекітілді.

Отырыс барысында партияның аудандық филиалы төрағасының бірінші орынбасары Қуат Байғоджаев Тұңғыш Президент Нұрсұлтан Назарбаевтың «Елдіктің жеті тұғыры» атты қағидаттар жиынтығы жайында сөз қозғап, оның мән-мазмұнын аудандағы 79 елді мекенді партияластар, депутаттар мен ақпаратты насихаттау тобы толықтай аралап, халыққа таныстырғанын айтты. Сонымен қатар Елбасының «Тәуелсіздік тағылымы» атты мақаласының да мазмұнына тоқталып өткен Қуат Сұлтанұлы жиын қатысушыларын Тәуелсіздіктің 30 жылдығымен құттықтады.

Қ.МҰРАТҚЫЗЫ