Кеше «Nur Otan» партиясы Алматы облыстық филиалының кезектен тыс ХХІХ конференциясы өтті.
Онлайн және офлайн режимде өткен конференцияға партия төрағасының Бірінші орынбасары Бауыржан Байбек қатысты. Күн тәртібінде үш мәселе қаралса, оның бірі – партия филиалының жаңа төрағасын сайлау. Бұл орынға делегаттар өңір әкімі Қанат Бозымбаевты ұсынып, ұсыныс бірауыздан қабылданды. Бауыржан Байбек Қанат Алдабергенұлының партиядағы қызметін ерекше атай отырып, алдағы жұмысының нәтижелі болатынына сенім білдірді. Әрі филиалдың бұрынғы төрағасы, «Nur Otan» партиясы Саяси кеңесі Бюросының шешімімен «Белсенді қызметі үшін» партиялық наградасымен марапатталған Амандық Баталовтың еңбек жолына шағын шолу жасап, атқарған жұмысы үшін алғыс білдірді.
Конференция барысында партияның Алматы облыстық филиал төрағасының бірінші орынбасары Гүлнар Тойлыбаева 2021 жылы атқарылған жұмыс барысымен таныстырып, баяндама жасады. Партияның сайлауалды бағдарламасын жүзеге асырудың 11 айдағы қорытындысы бойынша өңірде 1 млн шаршы метрге жуық тұрғын үй, 12 мектеп пайдалануға беріліп, 538 км жол салынған және жөнделген, 27 мың тұрақты жұмыс орны ашылған.
Қ.МҰРАТҚЫЗЫ
