№1 Азат орта мектебінде өте жақсы үрдіс жолға қойылған. Оқушылардың кітап оқуға қызығушылығын артыру мақсатында кітапханада «Оқуға құштар мектеп, оқуға құштар ел» акциясы ерекше сипатта өтеді. Бұған тек мектеп ұжымы ғана емес, ата-аналар да қолдау білдіріп, қолғабыс жасап жатыр.

Мысалы, жақында ғана кітапхана қорына ата-аналар 25 кітап сыйға тартты. Олардың ішінде баланың ой-өрісін дамытып, рухани мол азық болар құнды кітаптармен қатар, оқушыларға оқуға жеңіл ертегілер мен шағын әңгімелер жиынтығы да бар. Кітапханадағы кітаппен ғана шектелмей, сырттан кітап әкеліп, өзара алмасып оқуды да оқушылар әдетке айналдырған. Бұл – мектеп ұжымы мен ата-аналардың екіжақты бірлесе жұмысының нәтижесі екені сөзсіз. Бұдан бөлек, оқыған шығармалары желісімен мектепішілік сахна театрында көрініс қойып, шығармашылық ізденісті де арттырып отыр. Сондай-ақ мектепаралық, аудандық, облыстық түрлі шығармашылық жарыстарға қатысып, жүлделі орындардан көрініп жүрген оқушыларымыз да баршылық. Әрине, мұндай мықты нәтижелер балалардың кітап оқуға деген жоғары қызығушылығын арттырып, олардың құштарлығын оятуға үлкен үлес қосып отырған мұғалімдер мен ата-аналардың еңбегінің арқасы.«Оқу мәдениеті – өзін-өзі жетілдіру және өзін-өзі тәрбиелеу дағдыларын қалыптастыру факторы»

«Артық ғылым кітапта, ерінбе оқып көруге» деп Абай атамыз айтпақшы, кітап – рухани жан азығын жеткізуші үлкен күш. Президент Қасым-Жомарт Тоқаев: «Кітап оқу – рухани кемелденудің көзі. Қазіргі уақыт – секунд сайын жаңарған ақпарат заманы. Оқу - білім мен рухани құндылықтарды беру мен меңгерудің бір түрі ретінде, тұлғаны тәрбиелеу және білім беру адамның қоғамда табысты болуына және бәсекеге қабілеттілігінің жалпы деңгейіне әсер ететіні айқын. Оқу арқылы ғана біз болашақты болжап, келешегімізге кемел жол сала аламыз! Мектеп ұжымы жүзеге асырып жатқан бұл бағдарлама бүгінгі күннің өзекті мәселесі болып отырғандықтан,  «Оқуға құштар мектеп, оқуға құштар ел» идеясы біздің мақсатымыздың дұрыс бағытын көрсетіп тұр. Оқу түбі – мұратқа жеткізер», – деген ұранмен ешқашан талмай, күш-жігеріміз таусылмай, білімімізді жетілдіріп, мақсатымызды шыңдай түсейік! Алтын уақытымызды пайдалы істерге жұмсағанымыз жөн» дегендей, қазіргі заман-білектінің емес, білімдінің заманы екенін ескерейік.

                                                                                            Дильназ Мухаммедова, 

№1 Азат орта мектебінің

11 сынып оқушысы