Аудан әкімдігінің мәжіліс залында тиісті санитарлық нормаларды сақтай отырып аудандық мәслихат хатшысы Бекет Ахметовтың төрағалығымен VII шақырылған Еңбекшіқазақ аудандық мәслихатының кезекті ХIV сессиясыөтті.
Сессияның күн тәртібінде үш мәселе қаралды. Бірінші болып ауданның 2022-2024 жылдарға арналған бюджетін бекіту бойынша сөз алған экономика және бюджеттік жоспарлау бөлімінің басшысы Бағлан Мушаева баяндамасынан кейін аудандық мәслихат депуттарының тарапынан бірнеше бағыттарда сын-ескертулер мен ұсыныстар айтылды. Күн тәртібіндегі екінші және үшінші мәселелер «Еңбекшіқазақ аудандық мәслихатының тұрақты комиссияларын құру және құрамын сайлау туралы», «Еңбекшіқазақ аудандық мәслихатының 2022 жылға арналған жұмыс жоспарын бекіту туралы» аудандық мәслихат аппаратының басшысы Беглан Сатыбалдиев баяндама жасап, шешімдердің жобасымен таныстырды. Сессияның күн тәртібіндегі мәселелер толығымен қаралып, тиісті шешімдер қабылданды.
Сессия отырысынан кейін аудандық мәслихат қызметін ұйымдастыру бойынша 2021 жылғы атқарылған жұмыстарды қорытындылауға арналған жиын өтті. Сонымен қатар, Бекет Төлегенұлы қатысушыларды алдағы жаңа жыл мерекесімен құттықтай отырып, мәслихат депутаттарына арнайы марапаттауларды табыстады. Қазақстан Республикасының жергілікті мемлекеттік басқару және өзін-өзі басқарудағы белсенділігі үшін Виталий Вальков Қазақстан Республикасы Парламенті Сенатының Құрмет грамотасымен, Гүлмира Мұхтарова Қазақстан Республикасы Парламенті Сенаты төрағасының Алғыс хатымен, Бекболат Алтаев Қазақстан Республикасы ауыл шаруашылығы министрлігінің Алғыс хатымен, Жамиля Абеуова Қазақстан Республикасы денсаулық сақтау министрлігінің Алғыс хатымен, Айдар Алсеитов, Эрлан Байшеков, Михаил Гусев Алматы облыстық мәслихатының Құрмет грамотасымен, Аркен Сайдуллаев, Ерболат Тукеев Алғыс хатпен марапатталды. Сондай-ақ депутаттарға Еңбекшіқазақ аудандық мәслихатының Құрмет грамотасы мен Алғыс хаттары табысталды.
Айгүл СҰЛТАНОВА.