Ауған соғысының «отқа оранған он жылы» тарих қойнауының парақтарында қара таңба болып қала береді. Елімізден 22 мыңнан астам адам қатысып, мыңға жуық азамат ерлікпен қаза тапқан. Бүгінде 10 мыңға жуық ардагеріміз бар болса, олардың 3 мыңы мүгедектер қатарында.
Кеңес әскерінің Ауғанстан жерінен шығарылғанына 33 жыл толуына орай Есік гуманитарлық-экономикалық колледжде «Ауғанның отты жалыны» атты мерекелік шара өтті. Шараға аудандық ішкі саясат, мәдениет, тілдерді дамыту және спорт бөлімі басшысының орынбасары Мо-мунжан Исламов ауған соғысына қатысқан ардагерлер мен студенттер қатысты. Ардагерлерді тарихи датамен құттықтаған Момунжан Аквар-жанұлы бүгінгі ұрпақ ардагерлердің тарихи ерілігін мәңгі есте сақтау үшін оларға еңселі ескерткіш орынатылғандығын жеткізді.
Барлық ардагерлерді осындай айтулы мерекемен құттықтағанан кейін, жиынға қатысқан соғыс ардагерлері А.Казиев, С.Кузнецов, А.Абир, Б.Аршидинов, В.Резников, А.Байгожаев, М.Ганиев, Ж.Сегизбаев, А.Сембинов, Р.Ашикеев, А.Абжанов, Р.Иленов, П.Тектуров, Ғ.Хужанов, Т.Байшибилов, Б.Абдранов, Ж.Шабаев, С.Оспанов, Ю.Харламовқа Алғыс хаттар табысталды. Содан кейін сөз кезегін алған аудандық Ауған соғысы ардагерлері мен мүгедектері қоғамдық бірлестігінің төрағасы Алмас Тасановпен, «Қаһарман» ұйымының төрағасы Жұмаш Құралбай елімізде осындай соғыс қайталанбасын деген тілектерін жеткізді. Кеш концерттік бағдарламамен жалғасты. Ауданымыздың «Жібек жолы» ансамблі мен Т.Молдағалиев атындағы аудандық мәдениет үйінің өнерпаздары өз өнерлерін ортаға салды.
А.КӘДІРБАЙҚЫЗЫ.
