Қазіргі жауын-шашынды кезде сырғыма мен су тасқыны қаупі арта түседі. Сондықтан мұндай жағдайда қалай әрекет ету керек екенін біле жүргеніміз абзал.
Сырғыма – ауырлық күшінің ықпалымен өзендер мен көлдер, теңіздердің тік жағалауларынан, таулар мен сайлардың жыраларынан топырақ массасы мен тау жыныстарының төмен қарай тайғанап ығысуы, яғни сырғанауы. Көбінесе жыралардың сумен шайылуы, оның мол жауын-шашынмен шектен тыс ылғалдануы, жер сілкіну немесе адамның іс-әрекетінен болады. Сырғанау кезінде топырақ көлемі ондаған және жүздеген мың текше метрге дейін жетіп, кейбір жағдайларда одан да көп болуы мүмкін. Сырғыманың тайғанап ығысуының жылдамдығы жылына бірнеше метрден, секундына бірнеше метрге дейін ауытқуы мүмкін. Тайғанауының ең қатты жылдамдығы жер сілкіну кезінде байқалады. Топырақ массасының сырғуы тұрғын үйлер мен өндірістік ғимараттардың, инженерлік және жол құрылымдарының, магистральды құбырлар мен электр тасымалдау желілерінің қирап және құлауына, сондай-ақ адамдардың зақымданып, тіпті мерт болуына әкеліп соғуы мүмкін.
Сырғыманың алдын алу үшін оның пайда болу қаупі туралы хабарлау дабылын, сонымен қатар осы дабыл берілген кездегі іс-әрекет тәртібін есте сақтаңыз. Жақындап келе жатқан сырғыма белгілері пайда болған кезде жақын маңдағы сырғыма станциясы бекетіне хабарлап, олардан ақпарат күтіңіз, ал өзіңіз ахуалға байланысты әрекет жасаңыз.
Су тасқын кезінде егер уақытыңыз болса, үйден шықпай тұрып газды, электротехникаларды сөндіру керек, керекті азық-түлік (2-3 күнге), киім, дәрілерді алып алу керек.
Егер су тасқыны ашық жерде немесе орманда болса, онда жылдам биік жерлерге шығып, ағаш немесе басқа мықты заттан ұстанып тұру керек.
Егер жолынызда өзен тасқыны болса, ең біріншіден, таяз жерді іздеп көріңіз. Судың тереңдігін білу үшін ұзын таяқ алыңыз.
Суға бір аяқты мықты қойғаннан кейін ғана екінші аяқты көтеріп, судың ағынына қарай бұрыш жасап қырмен абайлап жүріңіз.
ТЖ қаупі туындағанда немесе қаупі төнген кезде: 112, аудандық ТЖБ-ның 7-04-07, 7-04-05, 101 ОДП (7272) 91-18-81, ДП 7-55-85 және Есік өндірістік пайдалану басқармасының және жоғарыда көрсетілген тел\факсқа хабарлаңыз.
Орталық диспетчерлік пункті тәулік бойы жұмыс істейді.
А.Сулейменов,
«Қазселденқорғау» ММ
ІААПТБ филиалы Есік ӨПБ басшысы
