Жұма, 08 Сәуір 2022 15:00

Ерлікке жетелейтін кітап

Осы апта айшықты оқиғалармен есте қалды. Солардың біріне тоқталасақ, «Ерлікке жетелеген жол» атты кітап қалың оқырманның қолына тиді. Аты айтып тұрғандай, кітап батылдық пен ерлікке жетелеген тәжік-ауған шекарасы туралы.

Қазақстан Республикасы ҰҚК Шекара қызметі басшылығының ұйтқы болуымен, дайындалып, жарыққа шыққан кітап ТМД-ның оңтүстіктегі шебі – тәжік-ауған шекарасын 8 жылға жуық күзеткен Қазақстанның жеке атқыштар батальонының әскери қызметшілеріне арналады.

Аталған кітапта ҰҚК Шекара қызметінің, ІІМ Ұлттық Ұланының және ҚР Қорғаныс министрлігінің атынан жат елдің аумағына өз еркімен сұранып барып, отаншылдық рухтың нағыз үлгісін танытқан ардагерлер өздерінің «ыстық нүктеде» жинаған тәжірибелерімен бөліседі. Тәжік-ауған шекарасындағы ауыр қызметтері, моджахедтермен болған қақтығыстар және жауынгерлік достықтың сарқылмас күші туралы тартымды әңгімелейді.

...Асқар есімді жас шекарашының қаншама жылдан соң досымен ғайыптан кездесіп, сырласуы... Бұл – 1994 жылдың 28 қыркүйегінде күші тең емес ұрыста өзінің командирі мен қарулас достарының өмірін сақтап қалу үшін өз жанын қиған Шекара қызметінің батыр оғланы Раджан Батырқанов туралы.

...2012 жылдың желтоқсанында әуе апатынан қаза болған сардар Тұрғанбек Стамбековтің 1996 жылы сәуірде тәжік-ауған шекарасында қазақстандық бітімгершілік баталонды басқарып, өзінің нағыз қайтпас қайсар жауынгер екенін де «Ерлікке жетелеген жол» атты кітапқа енген очерк паш ете түседі...

...«Бір түннің оқиғасы» деп аталатын мақала – өзінің азаматтық борышын еліміздің қазақ-қытай шекарасында өтеп жүрген жерінен тәжік-ауған шекарасына аттанған жас сарбаз М.Тұрғалиевтің мергендігі туралы сыр шертеді.

Айту керек, 1993 жылдың маусымынан 2001 жылдың ақпанына дейінгі аралықта ТМД-ға мүше елдердің оңтүстік шекарасын күзетуге Қазақстанның оң мыңнан астам әскери қызметшісі қатысты. Олар тәуелсіз атанғанына бірнеше жылдың жүзі ғана болған Қазақстанның бірінші бітімгерлері болатын.

Кітаптың тұсауы кесілген күн де кездейсоқ таңдалған жоқ еді. Еліміздің тарихындағы осынау атаулы күні – 1995 жылдың сәуірінде қазақстандық сарбаздар тәжік-ауған шекарасында батылдық пен ерліктің өшпес үлгісін танытты. Ұлттық ұланның 17 сарбазы моджахедтермен болған ұрыста қаза тауып, отыздан астам әскери қызметші ауыр жараланды. Ұлттық ұланның ардагері тамаша әскери журналист, ұзақ жылдар бойы «Қалқан» газетін басқарған запастағы полковник Сәдуақас Жұбатов бұл туралы бүгін тұсауы кесілген кітапта егжей-тегжейлі етіп қалам тербеген...

Салтанатты рәсім тәжік-ауған шекарасын күзету кезінде болған ұрыста қаза тапқан 17 сарбаздың ескерткішіне гүл қойып, тағзым етуден басталды.

Мұнан кейін ҚР Қарулы Күштерінің Әскери-патриоттық мұражайында тәжік-ауған шекарасында болған ұрыстарға қатысқан қазақстандық әскери қызметшілердің жеке заттары, мұрағаттық құжаттары қойылған көрме ұйымдастырылды.

Кітаптың алқызыл лентасын қос батыр сарбаз Раджан Батырқанов пен Ербол Бітебаевтың аналары қиған соң рәсімнің негізгі бөлімі басталды.

Шараның соңы ҰҚК Шекара қызметі ән-би ансамблінің, ҚР Қарулы Күштері Әскери-патриоттық орталығының Орталық ансамблі әртістерінің және Орталық оркестрінің қатысуымен өткен патриоттық әндер концертіне ұласты.

Осылайша, тәуелсіз Қазақстанның өскелең ұрпақтарын патриоттық рухқа тәрбиелейтін шығармалардың қатары тағы бір кітаппен толықты.

...Ал бұл кезде еліміздің облыс орталықтарында Ұлттық ұланның тәжік-ауған шекарасында қаза тапқан 17 сарбазын еске алуға арналған шаралар өтіп жатқан болатын. Жылдағы дәстүрмен шекарашы ардагерлердің «Застава тарландары» республикалық қоғамдық бірлестігі ұйымдастырған осынау рәсімге ҰҚК Шекара қызметі департаменттерінің жеке құрамымен бірге қала жұртшылығы да қатысып, қазақстандық сарбаздардың рухына тағзым етті.

«Қайсарлық шыңға шығарады» деген осы!

Т.ДӘУЛЕТБАЕВА,

 Шекара қызметінің запастағы подполковнигі.

Оқылды 661 рет
Осы категориядағы басқа материалдар: « Тазалық акциясы өтті ВРЕМЯ ПАТРИОТОВ »

Соңғы жаңалықтар

Нау 29, 2024

Көктерек қашан «ауыл» болады?

Атырау қаласында өткен Ұлттық құрылтайдың үшінші отырысында Мемлекет басшысы Қасым-Жомарт…
Нау 29, 2024

Аудан әкімі тағайындалды

Кеше аудандық мәслихаттың кезектен тыс ХІХ сессиясында аудан әкімі лауазымынаТалғат…
Нау 29, 2024

Межелер пысықталып, жоспарлар…

Еңбекшіқазақ аудандық мәслихатындағы «AMANAT» партиясы депутаттық фракциясының отырысы…
Нау 18, 2024

Құрылтай

Кешегі Атырау қаласында өткен Ұлттық құрылтайда Президент Қасым-Жомат Тоқаев күн…
Нау 14, 2024

Түйінді түйіткілдер оң шешімін…

Жуырда аудандық мәслихаттың тұрақты комиссияларының бірлескен отырысы өтті. Отырыстың күн…
Нау 07, 2024

Аудан әкімінің міндетін атқарушы …

Ардақты ақ жаулықты аналар, аяулы арулар! Сіздерді 8 наурыз – Халықаралық әйелдер күні…
Ақп 22, 2024

Отбасы – тәрбие бастауы

Жақында Азат орталау мектебінде Рахат округінің аналар кеңесінің төрайымы Райхан…
Ақп 22, 2024

Ерлік – елге мұра, ұрпаққа ұран

Кеңес әскерінің Ауған жерінен шығарылғанына 35 жыл толуына орай Есік қаласында ауқымды…

Күнтiзбе

« Наурыз 2024 »
Дс Сс Ср Бс Жм Сб. Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет