ҚОРШАҒАН ОРТАНЫ ТАЗА ҰСТАП, АЯЛАУ – БАРША АДАМЗАТТЫҢ АЗАМАТТЫҚ БОРЫШЫ. ОСЫҒАН ОРАЙ, ӨТКЕН СЕНБІДЕ АУДАН ӘКІМІ ҚУАТ СҰЛТАНҒАЗИЕВТІҢ ҚАТЫСУЫМЕН АУДАН БОЙЫНША ТАЗАЛЫҚ АКЦИЯСЫ ҰЙЫМДАСТЫРЫЛДЫ.
Ертеңгісін әкімдік ғимаратының алдына жиылған мекеме қызметкерлері мен ерікті жастарға ризашылығын білдіріп, табиғатты аялауға шақырған Қуат Елеусізұлы осындай акциялардың жиі ұйымдастырылып, елді мекендердің тазалығына баса назар аудару керектігін айтты.
Аудан орталығы бойынша бірнеше топқа бөлінген акция қатысушылары қоғамдық орындарды, өзен жағалауы мен жол жиегін күл-қоқыстан тазартты. Ағаш көшеттерін отырғызып, қураған ағаш бұталарын кесіп, ауданымыздың жасыл желекке айналуына өз үлестерін қосты.
Тазалық акциясының өтуіне аудан бойынша 13 мың адам атсалысып, 200 техника жұмылдырылды. 100 тоннадан астам қоқыс шығарылды.
С.НҰРАДИН.
