Тескенсу ауылдық округі Көлді ауылының жас өнерпазы Дінмұхаммед Бекболатұлы «ТМД-ның үздік студенті» атты халықаралық байқауға қатысып, жеңімпаз атанды.
«Bilim-orkenieti» ұлттық инновациялық ғылыми-зерттеу орталығы және Үздік студенттер академиясының ұйымдастыруымен Тәуелсіз мемлекеттер достастығы студенттері арасында өткізілген байқауда жерлесіміз өзгелерден оқ бойы озық шығып, еліміздің көк Туын желбіретіп қайтты.
Бүгінде Т.Жүргенов атындағы өнер академиясында білім алатын Дінмұхаммед Бекболатұлы «ТМД-ның үздік студенті» атты І-дәрежелі дипломмен марапатталып, арнайы куәлік пен төсбелгісі табысталды. Сонымен қоса, «Bilim-orkenieti» ұлттық иновациялық ғылыми-зерттеу орталығының директоры өз білім ордасының мақтанышына айналған перзенттің ата-анасы Бекболат Мукашев пен Лариса Каналиеваға Алғыс хатын тапсырды.
Ж. БОЛҒАМБАЙ,
жастар ісі жөніндегі әдіскер-нұсқаушысы.
