«АMАNАT» партиясы әлеуметтік әділдік қағидатын орнықтыруға әрдайым баса мән береді. Мемлекеттілікті нығайту және ел бірлігін бекемдеу – ұйымның айрықша миссиясының бірі. Өткен съезде партияға ребрендинг жасау қолға алынды. Нақты нәтиже бар, өзгерістерді қазірдің өзінде көріп отырмыз. Осы қарқынды бәсеңдетпей, жұмысты одан әрі жалғастыру керек, – деген Мемлекет басшысы партияға үлкен сенім артуда.

Осыған дәлел және басталған өзгерістердің жарқын бейнесі ретінде «Adal» партиясының «АMANAT» партиясымен бірігуі болды. Бұл тарихи сәтті саяси кеңес мүшелері бірауыздан қолдады. Бұл ретте, адалдықтар өз жақтастарын халықтың табысын арттыру, мамандандыру карталарын әзірлеу, әкімдерге әдістемелік қолдау көрсету, заң жобалары аясындағы және тағы да басқа міндеттер бойынша, партия мүшелеріне берген өзге де бастамалардың орындалатынын сендірді. Жаңа Қазақстанды құруда, ел мүддесін ойлаған қоғамдық-саяси күштердің бәрі жұмылуы керек деп білеміз.

Тағы бір тарихи сәттің бірі:
– Мен бұған дейін партия төрағасы лауазымынан босап, ұйым қатарынан шығатынымды айттым. Осы ұйғарымды жүзеге асыратын кез келді. Бүгіннен бастап «AMANAT» партиясының төрағасы ретінде өкілеттігімді тоқтатып, партиядан шығу туралы шешім қабылдадым. Бұл қадамның символдық мәні бар. Осы орайда, Президент сайлауында маған сенім артып, қолдағандарыңыз үшін баршаңызға алғысымды айтамын. Сондай-ақ, жауапты сәтте партия тізгінін сеніп тапсырғандарыңыз үшін ризашылығымды білдіремін. Біз бірлесіп, көп жұмыс атқардық. Дегенмен, уақыт бір орында тұрмайды. Қазір талай нәрсе өзгеруде. Алдымызда ауқымды міндеттер бар. Бүгінде еліміздегі барлық саланы түбегейлі монополиядан арылту аса маңызды. Осы үдерістен саяси жүйе де сырт қалмауы керек. Мемлекет басшысы ешбір партияға басымдық бермегені жөн, яғни саяси тұрғыдан бейтарап болуы қажет. Бұл – менің айқын ұстанымым, – деді Қ.Тоқаев.
Президент партияның төрағасы лауазымына Парламент Мәжілісінің төрағасы Ерлан Қошановты ұсынып, оған ұйымдастыру қабілеті жоғары, тәжірибелі әрі білікті азамат деп баға берді. Өз кезегінде Ерлан Қошанов бұл үлкен жауапкершілік деп, сенім артқандарына алғыс айтып, ел аманатын бірлесе іске асыруға шақырды. 

Қ.С.Байғоджаев,

аудандық мәслихат депутаты, фракция жетекшісі.