АУДАН ӘКІМДІГІНІҢ МӘЖІЛІС ЗАЛЫНДА АУДАНДЫҚ МӘСЛИХАТТЫҢ КЕЗЕКТІ 21-СЕССИЯСЫНЫҢ ОТЫРЫСЫ ӨТТІ. СЕССИЯ ОТЫРЫСЫНА МӘСЛИХАТ ХАТШЫСЫ БЕКЕТ АХМЕТОВ ТӨРАҒАЛЫҚ ЕТТІ. СЕССИЯ ЖҰМЫСЫНА АУДАНДЫҚ МӘСЛИХАТТЫҢ VII ШАҚЫРЫЛЫМ ДЕПУТАТТАРЫ, АУДАН ӘКІМІНІҢ ОРЫНБАСАРЛАРЫ, БАСҚАРМА, БӨЛІМ, МЕКЕМЕ БАСШЫЛАРЫ ҚАТЫСТЫ.
Күн тәртібіндегі мәселе бойынша Еңбекшіқазақ ауданының «2021-2025 жыдарға арналған аумақты дамыту бағдарламасының» 2021 жылы орындалуы туралы экономика және қаржы бөлімінің басшысы Жанаркуль Абдугулова, Еңбекшіқазақ ауданының 2021 жылға арналған аудандық бюджетінің және Есік қаласы мен ауылдық округтердің бюджеттерінің атқарылуы туралы экономика және қаржы бөлімінің бас маманы Батыр Хайруллаев, Еңбекшіқазақ ауданының 2021 жылғы бюджеттің атқарылуы туралы Алматы облысы бойынша тексеру комиссиясының есебін қарау үшін Алматы облысы бойынша тексеру комиссиясының мүшесі Жарқынбек Үсенбаев есептік баяндамаларын таныстырды.
Аудан бюджетінің атқарылуын бағалау Еңбекшіқазақ ауданы әкімдігінің аудандық бюджеттің атқарылуы туралы, Есік қаласы және 25 ауылдық округ әкімі аппараттарының қала және ауыл бюджетінің атқарылуы туралы жылдық есептері, бюджетті жоспарлау және атқару жөніндегі уәкілетті органның жылдық және ай сайынғы есептері, аудиторлық және сараптамалық-талдау іс-шараларының нәтижелері негізінде жүргізілді. Сонымен қатар өңірді дамыту қорытындылары туралы статистикалық деректер, тексеру комиссиясының сұраулары бойынша ұсынылған жергілікті уәкілетті органдардың ақпараты, ресми интернет-көздерінің деректері пайдаланылды.
Жалпы есептер тұрақты комиссиялардың біріккен отырысында алдын ала қаралып, тиісті ұсыныстар мен ескертулер енгізілген болатын. Қарастырылған есептер бойынша аудандық мәслихаттың экономикалық салаларды дамыту, ауыл шаруашылығы, жер қатынастары, кәсіпкерлік, бюджет жөніндегі тұрақты комиссиясының төрағасы Виталий Вальков қорытынды баяндама жасады.
Сондай-ақ, сессия отырысында Еңбекшіқазақ ауданы әкімдігінің жанындағы тұрғын үй мәселелері бойынша комиссия құрамын бекіту туралы, Еңбекшіқазақ аудандық мәслихатының «Еңбекшіқазақ аудандық жер комиссиясының құрамын бекіту туралы» 2021 жылғы 19 қарашадағы №VII-XII-55 шешіміне өзгерістер енгізу туралы, Еңбекшіқазақ ауданы әкімдігінің жанындағы терроризмге қарсы комиссиясың құрамын бекіту туралы шешімдердің жобалары таныстырылып, тиісті шешімдер қабылданды.
Жиын соңын қорытындылаған аудандық мәслихат хатшысы Бекет Ахметов:
– Еңбекшіқазақ ауданының бүгінгі және болшақтағы тұрақты әлеуметтік-экономикалық дамуы бұл күндері шешімдерді уақтылы қабылдап қоймай, сонымен бірге болашақта жүзеге асырылуы тиіс шараларды да жіті ойластырғанымызға тікелей байланысты екендігін бар-шаңыз жақсы білесіздер. Біз әрбір іске жауапкершілікпен қарай білуіміз қажет, – деп түйіндеді.
С.НҰРАДИН.
