ҚР Президенті Қасым-Жомарт Тоқаев Конституцияға түзетулер енгізу бойынша республикалық референдум өткізуді ұсынды. Мен Қазақстан Республикасының азаматы және аудандық мәслихат депутаты, фракция жетекшісі, аудандық филиалдың атқарушы хатшысы ретінде Мемлекет басшысының бастамасын қолдаймын.

Әр азамат елдегі саяси оқиғаларға белсенді араласуы қажет деп білемін. Бұл өзгерістерден халық ұтады. Себебі, ҚР Президентінің бастамаларының бүгінгі принципі – демократияны тереңдету, барынша ашық қоғам құру. Ендігі міндет – халықтың саяси мәдениеті мен белсенділігін арттыру. Жан-жақты өзгерістердің барлығы халықтың алдынан өтуі керек. Сондықтан референдум деген – бұл демократиялық мемлекеттің ең басты көрінісі. Қазақстанда өзгерістер әр адамға керек. Соның нәтижесінде ел өмірін өзгертуге деген тың серпіліс, құлшыныс оянады. Әрі кез келген азаматтың ұтымды ұсынысы мен пайымды пікірі ескеріледі. Бұл  – бірінші кезекте, қоғамды дамыту жүйесінің жаңғыруы деген сөз. Жаңа Қазақстанның бүгінгі әрі басты бағыты айқын. Референдум халық мүддесінің жоғарылай түсетінін айғақтайды. Мемлекет басшысына қолдау көрсетіп, Ата Заңға заманға сай өзгеріс енгізу – кезек күттірмес жауапты іс. Жаңа Қазақстанды бірге құрайық! Конституцияны өзгерту Жаңа Қазақстанның алғашқы қадамдарының бірі деп есептеймін.

Қ.С.Байғоджаев,

аудандық маслихат депутаты, фракция жетекшісі.