6 мамыр күні «AMANAT» партиясы Еңбекшіқазақ аудандық филиалының атқарушы хатшысы, депутаттық фракция жетекшісі, аудандық мәслихат депутаты Байғоджаев Қуат Сұлтанұлының төрағалығымен Конституцияға өзгерістер мен толықтырулар енгізу жөніндегі референдумды қолдау мақсатында, аудандық партиялық штабының алғашқы жиыны өтті.
Жиынға мәслихат хатшысы Ахметов Бекет Төлегенұлы, партия жанынан құрылған аудандық штаб мүшелері қатысты.
Мемлекет басшысы Қ.К.Тоқаев Конституцияға түзетулер енгізу бойынша республикалық референдум өткізуді ұсынды. Президенттің тарихи шешімдері – жаңа әрі әділетті Қазақстан құру жолында жасалған ірі қадам, еліміздің стратегиялық болашағын айқындайтын бастама. Бүкіл халықтық деңгейдегі референдум мемлекеттің нақты өзгерістерге бет бұрғанын көрсетіп отыр, сондықтан партия барлық күш-жігерін конституциялық реформаны қоғамдық қолдауды ұйымдастыруға бағыттауға дайын, Ел тағдырын айқындайтын осынау маңызды кезеңде ешкім шет қалмауға және тарихи таңдау жасауға тиіс. Егемен еліміздің ертеңі – халықтың қолында екені айтылды.
Жиын барысында аудандық партиялық желілік кесте таныстырылып, бекітілді. Негізгі іс-шараларды елді мекендерде, өндіріс орындарында, азаматтар көп шоғырланатын орындарында өткізу жоспарлануда. Әрбір аудан тұрғындарына өзгерістердің маңызы мен мақсатын жеткізу бағытында ауқымды жұмыстар атқарылады деп жоспарлануда. Сонымен қатар, филиал штабында азаматтарды қабылдайтын қоғамдық қабылдау бөлмесі жұмыс істейді.
Құндыз ДАРБАЕВА,
аудандық филиал консультанты.
