Қазақстан Республикасының Президенті Қасым-Жомарт Кемелұлы Тоқаев Қазақстан халқы Ассамблеясының «Ел бірлігі – жаңарған Қазақстанның тірегі» атты ХХХІ сессиясында Ата Заңға өзгерістер мен толықтырулар енгізу аясында республикалық референдум өткізуді ұсынған болатын. Осы орайда елімізде өткізілетін референдумның маңыздылығын түсіндіру мақсатында Қаракемер ауылындағы «ҚАРАКЕМЕР КӘСІПТІК-ТЕХНИКАЛЫҚ КОЛЛЕДЖІ» ұжымы және студенттерімен кездесу өткізілді.

Референдум – қоғам арасында қызу талқыланып, қолдау тауып отыр. Конституцияны бүкілхалықтық дауыс беру арқылы өзгерту – халықтың еркін білдіруінің айқын көрінісі. Ел тарихындағы маңызды шара болған соң, тұрғындар тарапынан да түрлі сұрақтар түсуде. Сондықтан да түсіндіру жұмыстары кең көлемде жүргізілуде. Осы референдумның және конституциялық реформалардың мән-маңызын қолдау мақсатында Мәжіліс депутаттарының өңірлерге сапары басталды. Бүгін осы орайда, Қазақстан Республикасы Парламенті Мәжілісінің депутаттары Әшімжанов Жанарбек Садықанұлы, Кузиев Закиржан Пирмухамедович және Тельпекбаева Жанна Тлеубекқызы ауданымызға келіп аталмыш колледжде кездесу өткізді. Жиын барысында, Мемлекет басшысының бастамасымен ағымдағы жылдың 5 маусым күні өткізілетін Референдумның маңыздылығын айтып өтті.

Қ.ДАРБАЕВА,

аудандық партия филиалының консультанты.