Жексенбі, 22 Мамыр 2022 21:56

Басты мәселелерді шешуге басымдық беріледі

Президент Қасым-Жомарт Тоқаев «Әкім бол – халқыңа жақын бол» деген қағиданы бүгінгі әкімдер ұмытса керек. Олардың халықтың қалың ортасына баруы тым сиреп кетті, сондықтан күн құрғатпай тұрғындарды аралап, олардың мұңы мен мұқтажын біліп отыруы тиіс» екенін айрықша тапсырған болатын. Жақында жаңа сайланған Есік қаласының әкімі Асхат Аңсатбаев қала тұрғындарымен еркін форматта кездесу ұйымдастырып, көп көңіліндегі түйіткілдерге жауап берді.

Қ.Сәтпаев атындағы орта мектепте өткен тұрғындармен кездесу барысында қала басшысы аудан орталығында атқарылатын жұмыстарға тоқталып, жұртшылықты мазалап жүрген сауалдарға жауап берді. Қазіргі уақытта аудан тұрғындары үшін қолайлы, өмір сүруге жайлы  ортаны құру – негізгі бағыттардың бірі. Қала әкімінің сөзінше алда Есік өзенінің жағалауы (жобалық  құны 931 млн теңге) мен өзге де бірнеше көшені абаттандыру жұмыстары жалғасын табады. Сонымен қоса Ш.Уәлиханов көшесінің бойында тротуар салу жұмысы қарқынды жүргізілуде.

Жүздесуде тұрғындарды жұмыспен қамту, мектептердегі білім беру жағдайы, міндетті медициналық сақтандыру, әлеуметтік нысандарға күрделі жөндеу жұмыстарын жүргізу, ауыз сумен қамту, тазалық пен қоғамдық тәртіпті сақтау, жер телімі мен баспана алу жайында сөз қозғалды. Әсіресе саяжай тұрғындары көктем шығып, жаз келісімен ауыз су тапшылығы ең негізгі мәселеге айналатынын, оның үстіне соңғы жылдары тұрғындар саны артқандықтан тіршілік нәріне деген сұраныс та жоғарлағанын жеткізді. Ал қала әкімі Есік өңіріндегі 8 елді мекеннің тұрғындарын сапалы ауыз сумен қамтамасыз ететін топтық су құбыры құрылысының 90 пайызы аяқталып, 49 шақырым су құбыры жүргізілгенін, жобаға сай 2 су жинау қоймасы іске қосылса, Есік қаласының маңындағы саяжайлардағы су тапшылығы оң шешімін табатынын айтты. Жүздесуге келген тұрғындар қаланы газдандыру жұмыстары туралы да сауалдар қойды. Өз кезегінде қала  әкімі  көппәтерлі үйлерді қалыпты жылытуды қамтамасыз ету үшін қазір 15 блокты-модульді қазандықтардың (БМҚ) салынып жатқанын айтты. Алайда бүгінгі күнге дейін газдандыруға бюджеттен қаражат бөлінбеген, тек жеке инвесторлар тарапынан жүргізілуде. Сол себепті аудан орталығын газбен толық қамту үшін қиындықтардың барын жасырмады.

– Бүгінде Мемлекет басшысының «Халық үніне құлақ асатын мемлекет» тұжырымдамасы барлық азаматтардың өтініштеріне жедел және тиімді әрекет етуге бағытталуы тиіс. Қазір осы тұжырымдама негізінде өңір тұрғындарына қала әкімдігі тарапынан сапалы қызмет көрсетіліп келеді. Қазір қала әкімдігінің әлеуметтік желіде арнайы парақшалары бар. Кез келген қала тұрғыны аталған парақшаларға өздерін толғандыратын сауалдарын қойып, пікір қалдыра алады. Биыл да көктем келісімен  қаламыздың тұрғындары судан таршылық көріп жатқанын айтып, жиі шағымдануда. Біз оларға қолымыздан келгенше көмек көрсеттік. Қазір әлеуметтік желі билік пен халық арасындағы алтын көпірге айналды. Біз қала тұрғындары тап болған қандай да бір мәселені оңды шешуге күш саламыз. Өткен жылдан бері қала әкімдігінде «Ашық әкімдік» жұмыс істейді, – дейді қала әкімі.

Е.АСЫЛ.

Оқылды 432 рет

Соңғы жаңалықтар

Нау 18, 2024

Құрылтай

Кешегі Атырау қаласында өткен Ұлттық құрылтайда Президент Қасым-Жомат Тоқаев күн…
Нау 14, 2024

Түйінді түйіткілдер оң шешімін…

Жуырда аудандық мәслихаттың тұрақты комиссияларының бірлескен отырысы өтті. Отырыстың күн…
Нау 07, 2024

Аудан әкімінің міндетін атқарушы …

Ардақты ақ жаулықты аналар, аяулы арулар! Сіздерді 8 наурыз – Халықаралық әйелдер күні…
Ақп 22, 2024

Отбасы – тәрбие бастауы

Жақында Азат орталау мектебінде Рахат округінің аналар кеңесінің төрайымы Райхан…
Ақп 22, 2024

Ерлік – елге мұра, ұрпаққа ұран

Кеңес әскерінің Ауған жерінен шығарылғанына 35 жыл толуына орай Есік қаласында ауқымды…
Ақп 21, 2024

Алматы облысы Еңбекшіқазақ ауданы…

Мен Тустукбаев Бағлан Ахихатұлы, 1989 жылы 7 сәуірде Алматы облысы, Еңбекшіқазақ ауданы,…
Ақп 21, 2024

Алматы облысы Еңбекшіқазақ ауданы…

Мен, Әділхан Азамат Әділханұлы, 1993 жылы 11 қаңтарда Алматы қаласында дүниеге келдім.…
Ақп 21, 2024

Алматы облысы Еңбекшіқазақ ауданы …

Мен Тойғанбеков Бақберген Бауыржанұлы 1988 жылы 21 сәуірде Еңбекшіқазақ ауданы Көктөбе…

Күнтiзбе

« Наурыз 2024 »
Дс Сс Ср Бс Жм Сб. Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет