Білім және ғылым министрі Асхат Аймағамбетов бастауыш сыныпта үш тілді оқыту тиімсіз екенін айтты. Оның сөзінше, жақын арада қазақ тілді мектептерде 1-сынып оқушылары тек ана тілімізде білім алады, ал екінші сыныпта қазақ тілімен қатар орыс тілі оқытылады. Үшінші сыныпта ағылшын тілін меңгеру қиынға соқпайды. Дегенмен қазақстандықтар үш тілді де меңгеру керек және алдағы уақытта бұл жүйеден бас тарту жоспарланбаған.

«Бастауыш сыныптарға келсек, осы тақырыпта зерттеу мен сараптама жүргізе келе, 1-сынып оқушысына үш тілді бірден меңгеру қиын екенін көрдік. Бұл – тиімсіз. Мәселе дидактика мен физиологияда. Осы мәселе бойынша шешім қабылдап, қазақ тілді мектептерде 1-сынып оқушысын тек қазақ тілінде оқытуға қатысты жұмыс жүргізіп жатырмыз. Алдымен өз тілінде оқып және жазып үйренеді. Екінші сыныпта орыс тілі, үшінші сыныпта ағылшын тілі енгізіледі», – деді Аймағамбетов.

Дереккөз