Бейсенбі, 04 Тамыз 2022 11:25

Тұрғындар өтініші тасада қалмайды

Өткен аптада аудан әкімінің міндетін атқарушы Алтай Досымбав кестеге сәйкес, Қаратұрық, Қорам, Қаражота ауылдық округінің тұрғындарымен кездесу өткізіп,  жергілікті жұртшылықтың мұң-мұқтажын тыңдады, ұсыныс-пікірлеріне құлақ түрді.

Қаратұрық тұрғындарымен өткен кездесуде жұртшылық білім беру ошақтарының мәселесін көтерді. Лавар ауылындағы бастауыш мектебі ғимаратының әбден тозығы жеткен. Жаңа мектеп салу мәселесі туындап тұр. Алтай Машикұлының айтуынша, тамыз айында  өтетін аудандық мәслихат сессиясында Лавар ауылына білім ошағын салу мәселесі көтерілетін болады  және жобалық-сметалық құжаттары әзірленеді. Сонымен қатар, Ащысай ауылындағы Ш.Уәлиханов атындағы орта мектеп пен Қаратұрықтағы дәрігерлік амбулаторияның ғимараты да ескірген, күрделі жөндеуді қажет етеді. Қазіргі таңда амбулаторияның жобалық-сметалық құжаттары дайын, құрылыс жұмыстары 2025 жылға жоспарланған. Ш.Уәлиханов атындағы орта мектеп сараптамадан өтсе, қаражат бөлінеді.

Бұдан бөлек аудан әкімінің міндетін атқарушыға жолдарды жөндеу, Тауқаратұрықтағы мәдениет үйін жөндеуден өткізу, аялдамалар мен жаяу жүргінші өткелдері, баяу интернет желісі мен жайылым жерлер мәселесі айтылды.

Аталған сұрақтар бойынша тиісті мекеме басшыларына тапсырма беріліп, жұмыстар кезегімен жүзеге асатын болады. Ал Қаратұрықтағы су құбырының құрылысы аяқталмағанша жолдарға күрделі жөндеу жүргізілмейді. Тауқаратұрықтағы мәдениет үйі мемлекет  меншігіне қайтарылғанда ғана жөндеуге мемлекеттен қаражат қарастырылатын болады.

Қаражота ауылында өткен кездесуде де тұрғындар ескірген әлеуметтік нысандардың мәселесін жеткізді. Сөздеріне сүйенсек, Шелек-Қаражота, Сарыбұлақ-Ақтоған тас жолы талапқа сай келмейді, әбден тозығы жеткен. Сондай-ақ,  Қаражота мен Ақтоған ауылдарындағы дәрігерлік амбулаторияның бүгінгі жағдайы көңілге қонбайды.

Шелек ауылдық ауруханасының бас дәрігері Гүлнар Құраметованың айтуынша, Қаражота ауылында дәрігерлік амбулатория салу үшін жер телімі дайын, сметалық құжаттар әзірленуде. Ал Ақтоғандағы амбулаторияны жарамсыз деп  тану жөнінде жұмыстар атқарылуда.

Жоғарыда аталған тас жолды асфальттау үшін жобалық құжаттар жасалуда, күрделі жөндеу жұмыстары жүргізіледі.

Қорам ауылындағы негізгі мәселе – жайылым жерлерінің тапшылығы. Осылай деген ауыл азаматтары Теректіден жайылым жер бөліп беруді сұрады. Сонымен қатар, жаңа оқу жылы қарсаңында балалардың денсаулығына  алаңдаушылық танытқан ата-аналар мектептер карантинге  жабылып қалмай ма деген сауалдарын қойды. Г.Құраметованың айтуынша, қазіргі уақытта өңірде коронавирустан 4 адам емделіп жатыр. Ауданымыз жасыл аймақта болғандықтан, ешқандай қауіп жоқ.

 

Сардарбек НҰРАДИН.  

Оқылды 788 рет

Соңғы жаңалықтар

Нау 29, 2024

Көктерек қашан «ауыл» болады?

Атырау қаласында өткен Ұлттық құрылтайдың үшінші отырысында Мемлекет басшысы Қасым-Жомарт…
Нау 29, 2024

Аудан әкімі тағайындалды

Кеше аудандық мәслихаттың кезектен тыс ХІХ сессиясында аудан әкімі лауазымынаТалғат…
Нау 29, 2024

Межелер пысықталып, жоспарлар…

Еңбекшіқазақ аудандық мәслихатындағы «AMANAT» партиясы депутаттық фракциясының отырысы…
Нау 18, 2024

Құрылтай

Кешегі Атырау қаласында өткен Ұлттық құрылтайда Президент Қасым-Жомат Тоқаев күн…
Нау 14, 2024

Түйінді түйіткілдер оң шешімін…

Жуырда аудандық мәслихаттың тұрақты комиссияларының бірлескен отырысы өтті. Отырыстың күн…
Нау 07, 2024

Аудан әкімінің міндетін атқарушы …

Ардақты ақ жаулықты аналар, аяулы арулар! Сіздерді 8 наурыз – Халықаралық әйелдер күні…
Ақп 22, 2024

Отбасы – тәрбие бастауы

Жақында Азат орталау мектебінде Рахат округінің аналар кеңесінің төрайымы Райхан…
Ақп 22, 2024

Ерлік – елге мұра, ұрпаққа ұран

Кеңес әскерінің Ауған жерінен шығарылғанына 35 жыл толуына орай Есік қаласында ауқымды…

Күнтiзбе

« Наурыз 2024 »
Дс Сс Ср Бс Жм Сб. Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет