ЖАҚЫНДА АУДАН ӘКІМІНІҢ МӘЖІЛІС ЗАЛЫНДА АКТИВ ОТЫРЫСЫ ӨТТІ. ЖИЫН БАРЫСЫНДА АУДАНЫМЫЗДЫҢ ЖАҢА ПРОКУРОРЫ ТАНЫСТЫРЫЛДЫ.
Аудан әкімінің міндетін атқарушы Алтай Досымбаев ауданның жаңа прокурорын таныстырып, қызметіне табыс тіледі. Бұрынғы аудан прокуроры Азамат Күренкей ҚР Бас Прокурорының 2 тамыздағы бұйырығымен Ерлан Кенжебекұлы Омарбаев ауданымыздың прокуроры болып тағайындалғанын жеткізді. Сонымен қатар, бұрынғы аудан прокуроры заңның орындалуын қадағалау органына тағайындалған жаңа басшының алдында тұрған міндеттерді, соның ішінде жол қозғалыс қауіпсіздігі, этносаралық тұтастық сынды мәселелерді атап өтті.
Аудандық мәслихат хатшысы Бекет Ахметов Ерлан Кенжебекұлының қызметіне табыс тілеп, мәслихат депутаттары жаңа прокурормен селбесіп жұмыс істеуге күш салатынын айтты. Айта кетейік, Ерлан Кенжебекұлы бұған дейін Алматы қаласына қарасты Түрксіб және Бостандық аудандарында прокурор қызметін атқарған.
Е.АСЫЛ.
