ҚР Президенті Қасым-Жомарт Кемелұлы Тоқаевтың қазақстандықтарға арнаған Жолдауы әрбір қазақстандықтың көкейінде жүрген сауалдарына жауап берді. Жолдауда еліміздің келешегі әлеуметтік-экономикалық даму бағыты және саяси реформалар, ашықтық, әділдік және Жаңа Қазақстанды құрудағы басымдықтарға қатысты нақты тапсырмалар айқындалды.
«Жері жоқ адам бизнеспен айналыса алмайды. Кәсіп жасаймын дегендерге жер беру керек. Бос жатқан жерлерді мақсатқа сай пайдалану керек. Бүгінгі күнге дейін пайдаланылмай жатқан 9млн гектар жер мемлекет еншісіне қайтарылды және жылдың соңына дейін 5 миллион гектар жерді қайтарып алу жоспарлануда» екендігін айтқан мемлекет басшысы, бұл жер телімдері бизнес бастау үшін азаматтарға берілетіндігін айтты.
Халық үшін денсаулық, білім, кәсібилік пен еңбекқорлық ең жоғары орында болатындығы баса айтылды.
Сонымен қатар, «Мен биылғы күзде кезектен тыс Президент сайлауын өткізуді ұсынамын.
Әділетті Қазақстанды құру жолында түбегейлі және жан-жақты реформаларды табысты жүзеге асыру үшін халықтың жаңа сенім мандаты қажет. Мен үшін мемлекет мүддесі бәрінен биік. Сондықтан мен өкілеттік мерзімімді қысқартуға және кезектен тыс Президент сайлауына баруға дайынмын» деп биылғы жылы Президенттік сайлау болатынын және жаңа Конституцияға сай, келесі жылдың алғашқы жартысында Парламент Мәжілісі мен барлық деңгейдегі мәслихат сайлауын өткізіп, жаңа Үкімет қалыптастырылатынын» тілге тиек етті, сол арқылы, жаңа Қазақстанды құратынымыз айтылды.
Сөз соңында қазақ елі әрқашан бірлік пен бейбітшілікті арқалаған ел екендігін айтып, осы бағытта баршамыз ел бірлігіне, жарқын болашағына жұмыс жасауға ат салысуға шақырды.

Қ.БАЙҒОДЖАЕВ,
«АМАNAT» партиясы Еңбекшіқазақ аудандық филиалының атқарушы хатшысы, аудандық мәслихат депутаты.