Ұлт ұстазы, Алаш ардақтысы Ахмет Байтұрсынұлының өмірге келгеніне 150 жыл толуына және ұлы суреткер, қазақ әдебиетінің классигі Мұхтар Әуезовтың туғанына 125 жыл толуына орай «Еңбекшіқазақ» газетінің редакциясы балалар мен жасөспірімдердің шығармашылығына дем беру мақсатында «Алашқа айбын болған арыстар» атты әдеби байқау жариялайды.

Шығармашылық байқауға ұлт руханиятында өшпес із қалдырған ұлы тұлғалардың өлмес мұрасы мен асқақ адамгершілік рухын жырлауға талпынған мектеп оқушылары қатыса алады.

Ұсынылатын шығармалардың жалпы көлемі А4 форматтағы 2 беттен аспауы керек және мәтіні 1,5 интервалмен, 14-кегельмен терілуі шарт.

Байқауға қатысқан үздік туындылар «Еңбекшіқазақ» газеті мен mezet.kz желілік басылымында жарияланады. Үздік авторлар арнайы жүлделермен марапатталады.   

Байқауға қатысушылар шығармаларын Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс. электронды поштасына  жібере алады немесе тікелей редакцияға жеткізуіне де болады.

Газет редакциясы.