Бүгін аудандық партия филиалына қарасты 26 бастауыш партия ұйымында партия мүшелерімен кездесу өтті. Күн тәртібінде қаралған маңызды мәселе «AMANAT» партиясының Жаңа Саяси Тұғырнамасының жобасымен танысып, партияластардың ой-пікірін біліп қажетті ұсынымдарын жинау болып табылды.

Өздеріңіз білетіндей, Жаңа Саяси Тұғырнама ағымдағы жылдың наурыз айында басталған толық ауқымды партиялық жаңғырудың басты бөлігі болып табылады. Тұғырнамада Қазақстанның басты қоғамдық күшінің болашаққа деген көзқарасы, даму бағдарлары, ұстанымдары мен саяси мақсаттары қамтылған. Саяси тұғырнама партия мүшелері, сарапшылар, ғылыми және шығармашылық зиялы қауым өкілдері, азаматтық белсенділер қатысып бірлесе жасалған құжат деп білеміз. Тұғырнама адамның, қоғамның мен мемлекеттің үйлесімді дамуы, олардың өзара қарым-қатынасы принципіне құрылған. Негізгі ұстанымы - Тәуелсіздік.
Сонымен қатар, кездесу барысында аудандық филиалдың кезектен тыс ХХVІІ конференциясына делегаттар сайланды.

Қ.ДАРБАЕВА,

аудандық филиал консультанты.