Еліміздің тұтастығына халқымыздың қауіпсіздігіне бағытталған көп шараларды қолға алуға қасіретті Қаңтар себепші болғаны шындық. Сол қиын-қыстау кезеңде мемлекет басшысы күш-жігерін тастай түйіп, бұған дейін билікті тістей қатып босатпай отырған бұрынғы басшыға назар аудармай, тізгінді қолына толықтай алып, қауіп-қатерден шығуға арналған нақты қадамдар жасады.

Бүгінгі Алматының бас алаңында ашылған «Тағзым» мемориалы ел тарихының қатерлі кезеңінің белгісі ғана емес, халқымыздың рухын жанып, бірлікке шақыратын, болашақ ұрпаққа еліміздің еркіндігі, тәуелсіздігі оңай жолмен келмегендігінің айшықты белгісі, жазықсыз шейіт болған азаматтарға, конституциялық тәртіп орнату жолында қаза тапқан құқық қорғау органдары қызметкерлеріне қойылған ескерткіш-мемориал деп білеміз.

Елімізге амандық, бейбіт ғұмыр тілеймін!

Х.АХМЕТЖАНОВ,

Еңбекшіқазақ ауданының құрметті азаматы, Қазақстан Республикасының құрметті журналисі.