Алматы облысының шенеуніктері кәсіпкердің өз бизнесін кеңейту құқығын шектеді.
Атап айтқанда, оған жеке сауда орталығының аумағына жер телімін бөлуден негізсіз бас тартылды.
Кәсіпкер осы мәселені шешу үшін өңірлік кәсіпкерлер палатасына және Қазақстан Республикасы Сыбайлас жемқорлыққа қарсы іс-қимыл агенттігінің Алматы облысы бойынша департаментіне жүгінді.
Бұл учаскеде иесі жұмыс істеп тұрған бизнесті кеңейтіп, қосымша жұмыс орындарын ашуды жоспарлаған.
Алайда, ауыл сәулетшісі жолаушылар көлігі және автомобиль жолдары басқармасымен міндетті түрде келісу қажеттілігін алға тартып, рұқсат құжаттарын беруге асықпады.
Осы мәселеге жедел ден қойылғаннан кейін жергілікті атқарушы органдар оң қорытынды берді. Кәсіпкердің талаптары толығымен қанағаттандырылды.
Кәсіпкердің құқықтары қорғалған.
ҚР Сыбайлас жемқорлыққа қарсы іс-қимыл агенттігінің
Алматы облысы бойынша департаменті
