Бейсенбі, 16 Наурыз 2023 12:55

Азаматтарды қолдау жүйелі жүзеге асуда

Кез келген мемлекетте әлеуметтік саланы дамыту, әсіресе, тұрғындардың әл-ауқатын арттыру, аз қамтылған отбасыларға қолұшын созу – негізгі міндеттердің бірі. Мемлекет басшысы Қ.Тоқаев еліміздегі әлеуметтік салаларды дамыту бойынша реформалар жасап, халықтың тұрмыс-тіршілігін арттыруға күш салуда. Ауданымызда да бұл сала бойынша нақты жұмыстар атқарылып, әлеуметтік жағынан аз қамтылған, мүмкіндігі шектеулі азаматтарға, зейнеткерлер, ардагерлер мен көпбалалы аналарға мемлекет тарапынан барынша қолдау көрсетілуде.

Әрине, ауданымыз ауқымды болғандықтан әлеуметтік әлжуаз топтарға жататын азаматтар санының жоғары болуы да заңдылық. Ағымдағы жылдың 1 ақпанындағы мәлімет бойынша Еңбекшіқазақ ауданында 6 647 мүгедек азамат бар. Оның ішінде 16 жасқа дейінгі балалар саны 1 190. 31 601 зейнеткер мен 8 498 көпбалалы отбасы және 3 764 «Алтын алқа» және «Күміс алқа» иегерлері тіркелген.

Мемлекет басшысының әлеуметтік салаға жасаған реформаларының нәтижесінде жоғарыда аталған азаматтарға мемлекет тарапынан жасалатын қамқорлық жыл сайын артып келеді. Айталық, бұрындары атаулы әлеуметтік көмек алатын отбасында тәрбиеленетін 6 жасқа дейінгі балаларға әлеуметтік себет (соц. пакет) тағайындалатын. Қазіргі таңда 6 жасқа дейінгі әр балаға 1,5 АЕК көлемінде ақша төленеді. Бұл көптеген ата-аналардың сұрайы бойынша жүзеге асты. Осы бағытта 3 130 балаға кепілдендірілген әлеуметтік топтама үшін ақшалай қаражат төленді.

Сонымен қатар, аудандық жұмыспен қамту және әлеуметтік бағдарламалар бөлімі арқылы ағымдағы жылдың 1 наурызына дейін отбасының жан басына шаққандағы орташа айлық табыстары кедейлік шегінен төмен болатын 1 914 отбасына 268,8 млн теңге атаулы әлеуметтік көмек тағайындалды. Аталған әлеуметтік көмекпен 10 332 адам қамтылды.

Науқас азаматтар да мемлекет назарынан тыс қалған емес. Оларды оңалтуға, емдеуге барынша жағдай жасалып, кедергісіз сапалы білім алуына қолдау көрсетілуде. Айталық, ағымдағы жылы туберкулезбен ауыратын адамдарға қолдау көрсету мақсатында 109 адамға 3,2 млн теңге, індетке шалдыққан балалардың 16 қамқоршысына 2,5 млн теңге, 282 мүмкіндігі шектеулі балаларды үйде оқытуға жұмсалған шығындарды өтеуге 7,7 млн теңге қаржы жұмсалды. Сондай-ақ, тұрмысы нашар 455 отбасындағы балалардың балабақшамен қамтыуына 16 млн теңге бөлінді.

Әлеуметтік қолдауды аса қажет ететін азаматтардың қажетті құралдармен қамтамасыз ету жұмыстары жүйелі жүргізілуде. 428 ортопедиялық құралдарға өтініш берілген болатын. Оның 128-і азаматтарға табысталды. Сонымен қатар, сурдотехникалық құралдарға 50 өтініш қабылданып, 34 азаматқа сурдотехникалық құралдар табысталды. Тифлотехникалық құралдарға 76 өтініш түсіп, 48-і мұқтаж азаматтарға берілді. 62 қоларбаға өтініш қабылданып, 35 кресло-арба мүмкіндігі шектеулі адамдарға үлестірілді. Оған қоса, 879 гигиеналық құралдар алуға өтініш қабылданып, 614-і өтініш иелеріне табысталды.

Мүмкіндігі шектеулі жандардың қажеттілігін өтеу мақсатында ауқымды жұмыстар атқарылуда. Жоғарыда аталған жұмыстардан бөлек, мүгедек азаматтарды қолдауға, оңалтуға барлық жағдай жасалуда. Республикалық санаторлық-курорттық пансионаттарда ем алуға 713 өтініш түсті. Бүгінгі таңда 51 азаматқа пансионатқа жолдама беріліп, ем қабылдады. Сонымен бірге, жеке көмекшіні қажет ететін мүгедек жандарға 355 маман жұмылдырылды. Олардың қызметіне 67,9 млн теңге төленді.

Жалпы алғанда, қай қоғамда болмасын мүкіндігі шектеулі азаматтар мен әлеуметтік жағынан аз қамтылған отбасыларға қолұшын созу – мемлекеттің басты міндеті. Президентіміз Қ.Тоқаевтың тапсырмасына, енгізген реформаларына сәйкес, елімізде аталған азаматтарға көрсетілетін көмек көлемі жыл сайын артып, олардың қоғамда кедергісіз жүріп-тұруына барлық жағдай жасалуда. Бұл жұмыстар жүйелі жалғасын таба бермек.

Қ.АЙСИНА,

Еңбекшіқазақ аудандық жұмыспен қамту және әлеуметтік бағдарламалар бөлімінің басшысы.

Оқылды 10781 рет
Осы категориядағы басқа материалдар: « Шаңғышылар жарысты Алмалылықтар алда »

Соңғы жаңалықтар

Нау 18, 2024

Құрылтай

Кешегі Атырау қаласында өткен Ұлттық құрылтайда Президент Қасым-Жомат Тоқаев күн…
Нау 14, 2024

Түйінді түйіткілдер оң шешімін…

Жуырда аудандық мәслихаттың тұрақты комиссияларының бірлескен отырысы өтті. Отырыстың күн…
Нау 07, 2024

Аудан әкімінің міндетін атқарушы …

Ардақты ақ жаулықты аналар, аяулы арулар! Сіздерді 8 наурыз – Халықаралық әйелдер күні…
Ақп 22, 2024

Отбасы – тәрбие бастауы

Жақында Азат орталау мектебінде Рахат округінің аналар кеңесінің төрайымы Райхан…
Ақп 22, 2024

Ерлік – елге мұра, ұрпаққа ұран

Кеңес әскерінің Ауған жерінен шығарылғанына 35 жыл толуына орай Есік қаласында ауқымды…
Ақп 21, 2024

Алматы облысы Еңбекшіқазақ ауданы…

Мен Тустукбаев Бағлан Ахихатұлы, 1989 жылы 7 сәуірде Алматы облысы, Еңбекшіқазақ ауданы,…
Ақп 21, 2024

Алматы облысы Еңбекшіқазақ ауданы…

Мен, Әділхан Азамат Әділханұлы, 1993 жылы 11 қаңтарда Алматы қаласында дүниеге келдім.…
Ақп 21, 2024

Алматы облысы Еңбекшіқазақ ауданы …

Мен Тойғанбеков Бақберген Бауыржанұлы 1988 жылы 21 сәуірде Еңбекшіқазақ ауданы Көктөбе…

Күнтiзбе

« Наурыз 2024 »
Дс Сс Ср Бс Жм Сб. Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет