Оған  Ташкенсаз, Түрген, Алмалы, Көктөбе ауылдық округтерінен және Есік қаласынан 2000-2001 жылы туылған футболға жаны құмар жастар қатысты. Аудан тұрғындары игілігіне жаңа салынған спорт кешенінің ойын алаңында басшысы Абай Сырғабаев және «Футбол Одағы» қоғамдық қорының төрағасы Жақсыбек Аманбаев сөз сөйлеп, жарыс қатысушыларына сәттілік тіледі. Осыдан кейін ойынды бастауға пәрмен берілді.

 Құрамалар «А» және «В» тобына бөлінді. Жылы әрі кең сарай ішінде келісті ойын өрнегін көрсетті футболшылар.  Нәтижесінде, 1-ші және 2-ші орындарды Алмалы ауылы И.Шорманов атындағы орта мектептің қос құрамасы еншіледі. Ал, үшінші орынды Түрген ауылының және О.Жандосов атындағы орта мектеп құрамалары алды. Сондай-ақ, «Ең үздік қақпашы» номинациясы Диас Талғатұлына (И.Шорманов), «Ең үздік қорғаушы» Нұртілек Қуанышбайға (Түрген), «Ең үздік жартылай қорғаушы» Әбутәліп Сейтмұханбетовке (И.Шорманов), «Ең үздік шабуылшы» мәртебесі Мейірбан Жеңісханға (О.Жандосов) берілді. Үздік құрамалар мен ойыншыларға кубоктар мен арнайы алғыс хаттар табыс етілді.            

Ә.МАНАСБЕК.