Сегізінші шақырылған ҚР Парламенті Мәжілісінде Президент Қ.К.Тоқаев жаңа жасақталған депутаттар құрамына оң баға бере отырып, саясаттың барлық бағыттарының дерлік, экономиканың сан-салалы өкілдерінен тұратын өкілетті сайланбалы басқару жүйесінің алдына қойған мақсаттарды кеңінен қамтып өтті. Осы тұрғыдан алғанда Мәжіліс шын мәнінде жаңаруға бағыт алғанын көреміз. Өйткені тіркеліп үлгермеген қозғалыс - партияларды айтпағанда, бір мандаттық округтерден өтпей қалған үміткерлер бәсекелестікті, конкурстық ортаны жандандыра түскені рас. Көш жүре түзеледі дегендей сайлау өткізуде болған, ескі Қазақстаннан қалған заңбұзушылықтар да жойылары анық. Өйткені Орталық сайлау комиссиясы бұндай көріністерге жол берген жауапты тұлғаларға қатысты тиісті шаралар қабылданғанын жедел жариялап та қойды.

«Мен» деп ұмтылған партиялар мен депутаттарға мемлекет басшысы бағыттар мен бағдарламаларды анықтап берді. Тек тың серпінмен қойылған мақсаттарды мұқият, әрі уақытында орындау ғана қалды.   

Х.АХМЕТЖАНОВ,

«Еңбекшіқазақ» газетінің бас редакторы.