Халықаралық балаларды қорғау күніне орай «AMANAT» партиясы аудандық филиалының төрағасы Бағдат Рахимов пен аудандық мәслихат депутаты Нұржан Тайчибаев Бәйдібек би ауылындағы  балаларды оңалту және ерте араласу «Қамқорлық» орталығындағы ерекше балақайлармен жүздесіп қайтты. Партиялықтар оларды халықаралық балаларды қорғау күнімен құттықтап, сый-сияпат жасады.

Партиялықтар орталықтың жұмысымен және медициналық-әлеуметтік қызмет көрсету сапасымен танысып, балалармен әңгімелесті.

«Ерекше қажеттілігі бар балаларды қолдау – партияның «Кедергісіз келешек» жобасында және «Халықпен бірге!» сайлауалды бағдарламасында қамтылған басым бағыттарының бірі. Мәселен, 2028 жылға дейін аутизмге шалдыққан балаларға арналған орталықтарды, патологияны ертерек анықтауға негізделген орталықтарды ашу міндеті қойылды. Біздің ортақ міндетіміз – әр кішкентай отандасымыздың бақытты балалық шағын қамтамасыз ету. Балаларға қамқорлық танытуға көмек көрсеткен облыстық мәслихаттың депутаты Сейдолла Сарсеков пен өзге әріптестеріме алғыс айтамын», – деп атап өтті Бағдат Болатұлы.

Өз тілшіміз.