Қазақстан ауылдық округінде  әлемдік додаларда биік белесті бағындыра бастаған  Мадияр Шәріпбай мен Марал Төлепберген сынды    үздік  қос  спортшыға   құрмет көрсетілді.

Ең әуелі, округ әкімі Марат Сүгірбеков   жасөспірімдерді  халықаралық  жарыстардағы үздік жетістіктерімен  құттықтап, оларға өңір спорттын дамытуға үлес қосқаны  үшін алғыс  айтты.  Сонымен қоса, Венгрияның  Помаз қаласында өткен халықаралық жамбы ату  жарасының алтын жүлдесін жеңіп алған Мадияр Шәріпбайға, Италияның  Ассини  қаласында өткен  жасөспірімдер  арасындағы  халықаралық бокс турнирінде  жеңімпаз атанған Марал Төлепбергенге аудан әкімінің Алғыс  хатын  табыстады. «Округімізде  бұқаралық спортты дамытуға ерекше көңіл бөлінуде. Дене шынықтырумен және спортпен айналысу үшін жағдай жасалып жатыр. Бұл халықтың денсаулығын нығайтуға және саламатты өмір салтын насихаттауға ықпал етеді. Біздің спортшылар әр деңгейдегі  ауқымды спорт жарыстарында  лайықты өнер көрсетуде.                           Осындай толағай жетістіктердің арқасында округіміз «Чемпиондар ауылына» айналды. Сіздерге жаңа спорттық жетістіктер мен жеңістер тілеймін. Біз ел үмітін арқалайтын спортшыларға қашан да қолдау  көрсетеміз», – деді округ әкімі Марат Сүгірбеков. Сондай-ақ,  үздік атанған спортшылардың бапкерлеріне де аудандық  мәслихаттың төрағасы Бекет Ахметовтың  атынан Алғыс хаттар табысталды. Ал аудандық мәслихат депутаты Мұхит Диқанәліұлы қос жеңімпазды құттықтап, ауыл жастары атынан бағалы сыйлықтар тарту етті. Марапаттау шарасына қатысқан  бапкерлер мен ауыл ақсақалдары, ұстаздар  халқаралық жарыста топ жарған қос үздіктің  ерлігін мадақтап, олардың алдағы додаларына жеңіс тіледі. Чемпиондар да өз кезегінде алда Азия мен әлемдік додаларда топ жару  үшін тер төгетіндіктерін жеткізді.

Осы аралықта мен облыстық, республикалық жарыстарда  бірнеше дүркін жақсы нәтижелерге қол жеткіздім. Сол жетістіктердің   арқасында халықаралық  додаға қатысу мүмкіндігіне ие болдым. Венгрияның  Помаз қаласында өткен халықаралық жамбы ату  жарысына әлемнің 14 елінен 26 мерген  қатысты.  Бәріміз аң ату стилінде өнер көрсеттік. Жарыстан бұрын жүйелі жаттығу жасадым. Сол көп көмегін  тиігізді. Бұл спорттың ерекшелігі – командалық топпен және жеке өнер көрсетуге болады. Адам бойына жауынгерлік  рух сыйлай отырып, үнемі өз-өзіңмен күресуді талап етеді. Алда талай биік белестерді бағындырамын деген ойдамын, –  дейді  жарыс жеңімпазы  Мадияр Шәріпбай.  

Бетті дайындаған Ерзат АСЫЛ.