Аудан әкімі Алтай Досумбаев пен орынбасары Әділжан Смағұлов бірқатар ауылдық округтерге жасаған жұмыс сапары барысында жаңадан бой көтеретін және жөндеу жұмыстары жүргізіліп жатқан нысандарды аралап, олардағы ахуалды бағамдап қайтты. Құрылыстың қай-қайсысы болса да сапалы әрі уақытылы атқарылуы керектігін айтып, ескертулер жасады.
Қазақстан ауылында осы күнге дейін ауызсу мәселесі өзекті болып келген. Бүгінгі таңда аталған елді мекен тұрғындарын сапалы ауызсумен қамтамасыз ету мақсатында мердігер мекеме «Баймен» ЖШС тарапынан ауызсумен жабдықтау жүйесін реконструкциялау және салу жұмыстары жүргізіліп жатыр. Аталған сапар аясында аудан басшысы жүргізіліп жатқан құрылыс жұмыстарының жағдайымен танысты. Аудан әкімі бүгінгі күнге дейін атқарылған құрылыс жұмыстарының жағдайын саралай отырып, жауапты мердігер мекеме басшысына ауызсу құрылысының сапалы жүргізілуін және белгіленген мерзімде аяқталуын тапсырды. Округ әкімдігінің мәліметінше, бюджеттен 629 млн теңге қаржы бөлінген сумен қамту жүйесін жаңғырту жұмыстары келер жылы толығымен аяқталмақ.
ауылындағы жүргізіліп жатқан жол жөндеу жұмыстары мен спорт кешенінің құрылысын көрді. Бүгінде Ащысай ауылында 50 орындық спорт кешенінің құрылысы жүргізілуде. Келісім-шарт бойынша құны – 870 233,5 мың теңге. Мердігер мекеме «СМУ ШЫҒЫС» ЖШС-і қазір құрылыс жұмыстарына белсене кірісіпті. Биыл Ащысайдағы Абай, Ә.Молдағұлова, Ы.Алтынсарин, С.Сейфуллин атындағы көшелерді жөндеу жұмыстарына бюджеттен 100,6 млн теңге қаржы қарастырылған. Аталған жөндеу жұмыстарын «Прогрес KZ» жауапкершілігі шектеулі серіктестігі жүргізуде. Алтай Машикұлы мердігер мекемеге атқарылып жатқан құрылыс жұмыстарының сапалы, әрі уақытылы жүргізілуін тапсырды.
2022 жылы Нұра ауылындағы (жобалық құны 962 млн теңге) сумен жабдықтау жүйелерін қайта жаңғырту жұмысы басталған болатын. Биыл күзге қарай құрылыс жұмыстары аяқталмақ. Ауызсу тарту жұмыстарын жеке-жеке аралап, көзбен көргеннен кейін аудан басшысы жауапты мердігер мекемеге жұмысты сапалы орындау бойынша тапсырмалар берді.
Келесі нысан Шелек ауылындағы дене шынықтыру-сауықтыру кешені.Келісім-шарт бойынша құны 2 млрд 464 млн теңге болатын кешен құрылысына «СП NEFT» ЖШС-і мердігерлік етеді. 2022 жылы 1 млрд 195 млн қаржы игерілген. 2023 жылға «Ауыл – ел бесігі» бағдарламасымен 459 млн теңге бөлініпті. Ал жергілікті бюджеттен 460 млн теңге бөлінген. Құрылыстың аяқталу мерзімі ағымдағы жылдың 31 желтоқсанына жоспарланған. Қазір жалпы төрт блоктың бетон құю жұмыстары 100 пайызға, төрт блокта металлоконструкция-60 пайызға, қабырға қалау 60 пайызға, электр желілері 70 пайызға, сылау жұмыстары 80 пайызға орындалыпты. Аудан басшысы жұмыс сапасына жауапкершілікпен қарауды да ескертті.
Көптеген жылдар бойы жөндеу жүргізілмеген ауыл орталығындағы Абай атындағы орта мектеп ғимараты да биыл қайта жаңғыруда. Жұмыс сапары барысында аудан әкімі бұл білім мекемесіне арнайы барды. Мердігер мекеме «СП NEFT» ЖШС-і оқу орнының жөндеу жұмыстарына жауапты. Бірақ құрылыс жұмыстары мерзімінен кешігіп жатқаны байқалады. Сондықтан жаңа оқу маусымында кейбір қиындықтар туындауы мүмкін. Сол үшін аудан басшысы мердігер мекемеге жұмыс қарқынын жылдамдатуды тапсырды.Салаға жауаптылар жұмыстың сапалы әрі уақытында аяқталуын бақылап отыруға уәде етті.
Биыл Ащысай, Алмалы мен Қаражота ауылдарында 600 орындық, ал Сатай ауылында 900 орындық білім нысанының құрылысы басталатын болады. Қазіргі таңда конкурстық рәсімдер жүргізілуде. Құрылыс нысаны 2024 жылдың оқу жылында аяқталады. Бүгінгі күні Есік қаласында 1500 орындық мектептің және Төле би ауылында 450 балаға арналған білім ордасының құрылысы жүргізілуде. «Жайлы мектеп» Ұлттық жобасы аясында ауданда 2025 жылға дейін 13 мектеп салынады. Өңіріміздегі жаңадан бой көтерген білім ордаларының бірі – Шелек ауылындағы 900 оқушыға арналған жалпы білім беретін орта мектеп. Білім ордасының құрылысын кәсіпкер Болат Өтемұратов қоры қаржыландырады. Жаңа мектеп оқу сыныптарымен қоса рекреациялық аймақтармен, заманауи оқу-өндірістік шеберханалармен, спорттық және гимнастикалық залдармен, ақпарат орталығымен, зертханамен, шығармашылық студиямен және коворкинг кеңістігімен жабдықталады. Мектеп құрылысы 2024 жылдың тамызында аяқталатын болады.
Аудан әкімі әрбір нысан басында мердігер мекемелердің жауапты қызметкерлеріне жұмысты сапалы әрі уақытылы аяқтауды тапсырды. Ал, ауылдық округ әкімдерін атқарылып жатқан жұмыстарға жанашырлықпен қарауға шақырды.
Е.АСЫЛ
