Демалыс күні аудан әкімі Талғат Байеділов өңіріміздегі су қоймаларының техникалық жағдайын тексеріп, бақылау жұмыстарын жүргізді.
Талғат Ескендірұлы жұмыс сапары барысында Бартоғай су қоймасы мен Есік көлінің жағдайымен танысып, жауапты мекеме басшыларына нақты тапсырмалар берді. Атап айтсақ, тиісті деңгейде қауіпсіздік шараларын сақтауды және бөгеттер мен су қоймаларының техникалық жағдайын тұрақты тексеріп отыруды тапсырды. Өз кезегінде нысан басшылары су жіберу көлемінің реттілігін бақылай отырып, тиісті жағдайда механизмдердің толық жұмысқа дайын екендігін жеткізді. Сонымен қатар қауіптің алдын алу мақсатында су деңгейі тәулік бойы кезекшілердің бақылауында.
Бүгінде Бартоғай су қоймасындағы судың жалпы қоры 83 пайызды құрайды. Су қоймасы-ның жұмыс реттілігі тұрақты бақылауға алынған. Су қоймасында тәулік бойы бақылау ұйымдасты-рылған. Төтенше жағдайлардың алдын алуға қажетті құрал-жабдықтармен толық қамтамасыз етілген.
Есік көлінде де жағдай тұрақты. Сыйымдылығы 12 млн текше метр болатын көлде қазіргі уақытта шамамен 1,7 млн текше метр су бар.
Су объектілерін тексеру барысында жауапты мамандарға қауіпсіздік шарасын толық қамтамасыз ете отырып, су қоймаларының тех-никалық жағдайын қатаң бақылауда ұстау тапсырылды.
Өз тілшіміз.
