Жуырда аудандық әкімдікте Алматы облысы бойынша адам құқықтары жөніндегі уәкіл өкілі Эльбрус Сұлтанқұлов аудан тұрғындарымен кездесу өткізді.
Жиынға облыстық әділет департаменті басшысының орынбасары Қайрат Пилалов, облыстық сот орындаушылар палатасы басшысының орынбасары Қайрат Бейсембаев, аудандық әлеуметтік қорғау бөлімінің өкілдері мен мемлекеттік қызметкерлер және аудан тұрғындары қатысты.
Аудан әкімінің орынбасары Қуат Ақшабаев жиынды жүргізіп, Эльбрус Сұлтанқұлов адам құқықтарын қорғаудың маңыздылығына тоқталды.
– Қазақстан Республикасындағы Адам құқықтары жөніндегі уәкіл өкілінің лауазымы Қазақстан аумағында адам және азаматтың құқықтары мен бостандықтарын мемлекеттік қорғаудың қосымша кепілдіктерін қамтамасыз ету, сондай-ақ уәкiлдiң атына ауылдық жерлерде тұратын азаматтардың құқықтарын қорғаудағы қолжетімділігі мақсатында құрыл-ған. Адамның және азаматтың бұзылған құқықтары мен бостандықтарын қалпына келтіру, Қазақстан Республикасының нормативтік құқықтық актілерін жетілдіру, өңірдегі азаматтардың құқықтары мен бостан-дықтарын ынталандыру және ілгерілету мақсатында мемлекеттік билік органдарына, құқық қорғау және сот органдарына жүгіну жөнінде кең өкілеттіктер берілген. Бүгінде Еліміздегі Адам құқықтары жөніндегі уәкілдің қызметін қамтамасыз ету үшін Адам құқық-тары жөніндегі орталық құрылды. Мемлекеттік мекеме болып табылатын бұл орталық уәкілдің қызметін ақпараттық-талдамалық, ұйымдастырушылық-құқықтық және өзге де заңда көзделген қызметін жүзеге асыруға жәрдемдеседі, – деді Эльбрус Сұлтанқұлұлы.
Жиынға қатысушылар әлеуметтік қолдаудың, азаматтардың мүліктік құқықтарын сот орындаушылары мен коллекторлардың әрекеттерінен қорғаудың проблемалық мәселелерін көтеріп, талқылады. Әсіресе саяжай тұрғындары ондағы коммуналдық тарифтердің заңсыз қымбаттауы мен өзге де өзекті мәселелерді жиі сөз етті. Сондай-ақ қатысушыларға қызықтырған сұрақтар бойынша жеке заңгерлік кеңес алу мүмкіндігі берілді. Сонымен қатар, Эльбрус Сұлтанқұлов азаматтарды өтініш бойынша жеке қабылдады.
Ринат НАРХАНОВ.
