Қоршаған ортамыздың тазалығын сақтау – мемлекеттің ғана емес әрбір азаматтың парызы. Осы орайда демалыс күні жалпыаудандық сенбілік өткізілді.

Көлемді шараға аудан әкімі Талғат Байеділов те қатысып, тазалық акциясына 9 317 адам, 68 техника жұмылдырылды. 710 тонна тұрмыстық қатты қалдықтар шығарылып, жалпы көлемі 613,5 гектар жер күл-қоқыстан тазартылды. 22 гектар жер теліміне 1 000-нан астам ағаш көшеттері отырғызылды.

Айта кетейік, наурыз айынынан басталған санитарлық тазарту жұмыстарында 27 мың адам қатысып, облыстық, республикалық, аудандық маңызы бар 382 көше, ондағы 11 668 аула, арық жүйелерінің 356 шақырымы, автокөлік жолдары жағалауларының 448 шақырымы тазаланды. Сондай-ақ 4 094 түрлі көшеттер отырғызылды.

Өз тілшіміз