Өткен аптада Еңбекшіқазақ аудандық мәслихаттың тұрақты комиссиясының бірлескен отырысы өтіп, оған тұрақты комиссия төрағалары мен мүшелері, бөлім басшылары мен БАҚ өкілдері қатысты.

– «Еңбегіне қарай – құрметі» демек-ші, тәуелсіз елдің табысын арттыруға шын мәнінде, табанды еңбек қана жеткізеді. Адал еңбек пен жауапкершілік жаңа қоғамдық этиканың өзегі болуы керек. Бір сөзбен айтсақ, бір-бірімізбен үйлесімді әрі тиімді жұмыс істеу өте маңызды – деп,  отырысты  ашқан  Бекет Төлегенұлы, күн тәртібіне сәйкес баяндамашыларға сөз берді.

Күн тәртібінде Еңбекшіқазақ ауданының 2023 жылғы аудандық бюджеттің және Есік қаласы мен ауылдық округтердің бюджеттерінің атқарылуы туралы аудандық экономика және қаржы бөлімінің басшысы Б.Искаковтың, Алматы облысы бойынша тексеру комиссиясының мүшесі Ж.Үсенбаевтың есептері қаралып, талқыланды.

Сонымен қатар, Еңбекшіқазақ ауданы әкімдігінің дербес құрамын келісім беру және ведомствоара-лық сипаттағы мәселелер бойынша әкімдік жанындағы бірқатар консульта-циялық-кеңесші органдардың дербес құрамдарын бекіту туралы ше-шімдердің жобасы қаралды.

Күн тәртібі бойынша қарасты-рылған мәселелер бойынша ұсы-ныстар мен ескертулер назарға алынып, шешімдердің жобасын мәслихаттың сессиясында қарау туралы ұйғарым қабылданды.

16-19 сәуір аралығында Еңбекші-қазақ аудандық мәслихаттың тұрақты комиссияларының жеке отырыстары өтіп, 2024 жылға бекітілген жұмыс жос-парына сәйкес, жергілікті атқарушы органның есептері қаралған болатын.

Атап айтқанда, Айжан Талкамба-еваның төрағалығымен өткен әлеуметтік бағыттағы салаларды дамыту мен заңдылық, жергілікті мемлекеттік басқару және өзін-өзі басқару мәселе-лері жөніндегі тұрақты комиссияда кәмелетке толмағандардың істері және олардың құқықтарын қорғау мәселелері бойынша аудан аумағындағы ахуал және осы бағыт-тағы Еңбекшіқазақ ауданы әкімдігі жанындағы ведомствоаралық комиссия мен құзырлы органдардың атқарған жұмыстары, аудан аумағында тарихи, мәдени және рухани құныдылықтарды нығайту, ескерткіштерді қорғау, саламатты өмір салтын қалыптастыру мен спортты дамыту, спорттық, ағартушылық және мәдени іс-шараларды өткізу, ономастика мәселелері мен тіл саясатын, салалық мемлекеттік бағдарламаларды іске асыру бағытында Еңбекшіқазақ ауданының мәдениет, тілдерді дамыту, дене шынықтыру және спорт бөлімінің есептері қаралды.

Ал, Эрлан Байшековтің төрағалығымен өткен ауыл шаруашылығы, жер қатынастары, кәсіпкерлікті қолдау және дамыту мәселелері жөніндегі тұрақты комиссияның күн тәртібінде көктемгі дала жұмыстарына дайындық, суармалы сумен қамтамасыз ету мәселелері мен аудан аумағында туризмді дамыту, кәсіпкерлікті қолдау және агро-өнеркәсіптік саланы субсидиялау, мемлекеттік бағдарламаларды іске асыру туралы, 2023 жылы жолданған депутаттық сауалдар мен хаттамалық қаулылардың орындалуы, биылғы жылы сапалы өнім өндіріп, оны өткізу бойынша жоспарланған жұмыстар тыңдалды.

Виталий Вальковтың төрағалығымен өткен аудандық мәслихаттың құрылыс пен жалпы инфрақұрылымды дамыту, архитектура,  жолдар, тұрғын үй-коммуналдық шаруашылық мәселелері жөніндегі тұрақты комиссия отырысында Еңбекшіқазақ ауданының құрылыс, сәулет және қала құрылысы бөлімінің құзіретіне жатқызылған негізгі міндеттер мен аудан аумағындағы өзекті мәселелерді шешу бағытында қабылданған шаралар туралы есеп талқыланды.

Сонымен қатар, Шолпан Касымбаеваның төрағалығымен экономика, бюджет және қаржы мәселелері жөнін-дегі тұрақты комиссия Еңбекшіқазақ ауданының, Есік қаласы мен ауылдық округтердің 2024-2026 жылдарға арнал-ған бюджеттерін өзгерістер еңгізу туралы шешімнің жобасын, 2023 жылғы Еңбекшіқазақ ауданының әлеуметтік-экономикалық дамуы мен аудан бюджетінің атқарылуы туралы есептермен тынысып, талдады.

Комиссия отырыстарында депутаттардың тарапынан көтерілген сауалдар мен ұсыныстар ескеріле отырып, тиісті хаттамалық қаулыға енгізіліп, тиісті атқарушы органдарға орындау үшін жолданды.

Тұрақты комиссияның бірлескен отырысынан кейін Еңбекшіқазақ аудандық мәслихаттың кезекті XXI сессиясының отырысы өтіп, отырысты мәслихат төрағасы Бекет Төлегенұлы жүргізді.

Сессия жұмысына аудан әкімі Талғат Байеділов және аудан әкімінің орынбасарлары, басқарма, бөлім, мекеме басшылары, қала мен ауылдық округ әкімдері қатысты.

Күн тәртібіне енгізілген мәселелер бойынша аудандық экономика және қаржы бөлімінің басшысы Бейбіт Искаков, Алматы облысы бойынша тексеру комиссиясының мүшесі Жарқын-бек Үсенбаев баяндама жасап, Еңбекшіқазақ ауданының 2023 жылғы бюджетінің атқарылуы туралы есептер талқыланды.

2023 жылғы жалпы аудан (аудандық және ауылдық бюджеттер) бюджетінің түсімдер бөлігі 102,5 пайызға орындалған, жоспар бойынша 31 млрд 901 млн 415,3 мың теңге, орындалғаны 32 млрд 706 млн 778,1 мың теңге. Яғни, жоспардан асып түскен түсімдер көлемі 805 млн 362,9  мың теңгені құраған.

Бюджет шығыстарының жиынтық (аудандық, ауылдық бюджеттерден тұратын) қаржыландыру жоспары 31 млрд 901 млн 415,3 мың теңгені, ал кассалық орындалу 31 млрд 292 млн 474,7 мың теңгені құрады немесе 98,1 пайызға орындалды (2022 жылы 98,5 пайыз). Игерілмей қалған қаржы көлемі 608 млн 940,7 мың теңгені құрады. Соның ішінде, 496 млн 229,6 мың теңге аудандық бюджеттік бағдарлама әкімшілері бойынша игерілмеген.

Бұл бағытта аудандық мәслихаттың экономика, бюджет және қаржы мәселелері жөніндегі тұрақты комиссиясының төрағасы, аудандық мәслихат депутаты Шолпан Қасымбаева қосым-ша қорытынды баяндама жасап, бірқатар ұсыныстар енгізіп, тиісінше оларды бекітуге ұсынылған шешімнің жобасында қарастырылғандығын жеткізді.

Аталған мәселе тұрақты комиссиялардың бірлескен отырысында алдын ала қаралып, тиісті ұсыныстар мен ескертулер енгізілгендіктен, «Еңбекшіқазақ ауданының 2023 жылғы аудандық бюджеттің және Есік қаласы мен ауылдық округтердің бюджеттерінің атқарылуы туралы жылдық есепті қарау және бекіту туралы» шешім депутаттар тарапынан бірауыздан мақұлданды.

Күн тәртібінде бұдан бөлек Еңбекшіқазақ ауданы әкімдігінің дербес құрамын келісім беру және ведомствоаралық сипаттағы мәселелер бойынша әкімдік жанындағы бірқатар консультациялық-кеңесші органдардың (комиссиялар мен кеңестердің) дербес құрамдарын бекіту туралы шешімдер қабылданды.

Сессия отырысының соңында аудан әкімі Талғат Ескендірұлы сөз алып, мәслихат депуттарына алғысын жеткізе отырып, есепті кезеңдегі аудан экономикасының негізгі көрсеткіштерінің орындалуы жайлы қысқаша ақпаратпен таныстыра келе, ел игілігі жолында бір жеңнен қол, бір жағадан бас шығарып, бірлесе жұмыс атқаруға шақырды.                          

Өз тілшіміз.