Жуырда Еңбекшіқазақ аудандық мәслихатындағы «AMANAT» партиясы депутаттық фракциясының отырысы өтті. Жиналысты аудандық филиалының төрағасы, фракция жетекшісі Бағдат Рахимов жүргізді.
Күн тәртібінде ауданның әлеуметтікэкономикалық ахуалын арттыру, тұрғындарға қолайлы жағдай жасау мәселелері қаралды. Атап айтсақ, елдімекендерді ауызсумен, электрмен, газбен қамту және әлеуметтік нысандарды алдағы жылыту маусымына дайындаудағы проблемалық мәселелердің шешу жолдары талқыланды.
Қыстың қамын жаз ойлаған фракция мүшелері құзырлы мемлекеттік органдарға нақты тапсырмалар берді. аудандық тұрғын үй коммуналдықшаруашылық және тұрғын үй инспекциясы бөліміне Түрген ауылының кәріз жүйесін ауыстыру жұмыстарын қатаң бақылауға алуды, көгілдір отын тартылмаған ауылдық округтерге жоспарға сәйкес газдандыру жұмыстарын жүргізуді, тозығы жеткен электр желілерін ауыстыру жұмыстарын жүргізуді, алдағы жылғы жылыту маусымына дайындық жұмыстарын жүйелі жүргізуді тапсырды.
Данагүл НҰРСАХАНҚЫЗЫ,
«Жастар рухы»
жастар қанаты аудандық филиалының төрағасы.
