Ұйғыр ауданында ауыл шаруашылығы мен кәсіпкерлікті дамыту мақсатында ұйымдастырылған «Бір ауыл - Бір өнім» жобасының көрмесі өтті. Бұл шарада ауданның отызға жуық кәсіпкерлері өнімдерін таныстырып, көрмеге келушілерге олардың сапасы мен ерекшеліктерін көрсетті.
Жобаның басты мақсаты - әр ауылдың ерекше өнімдерін нарыққа шығарып, жергілікті кәсіпкерлерге қолдау көрсету. Көрмеде қатысушылар түрлі ауылшаруашылық өнімдерінен бастап, қолөнер бұйымдарына дейін кең ассортимент ұсынды. Бұл шара жергілікті кәсіпкерлердің өзара тәжірибе алмасуына және ынтымақтастық орнатуына мүмкіндік берді.
Көрме аяқталған соң, аудандық мәдениет үйінде мемлекеттік бағдарламаларды түсіндіру бойынша семинар ұйымдастырылды. Семинарға аудан кәсіпкерлері белсенді қатысты. Семинар барысында қатысушыларға мемлекеттік қолдау шаралары, субсидиялар, гранттар және кәсіпкерлік қызметті дамыту үшін басқа да мүмкіндіктер туралы кеңінен ақпарат берілді.
Бұл шаралар жергілікті кәсіпкерлердің кәсіби өсуіне ықпал етіп, олардың бәсекеге қабілеттілігін арттыруға мүмкіндік береді. Кәсіпкерлер өз өнімдерін жетілдіру мен бизнес жүргізудің жаңа әдістерін меңгеріп, ауданның экономикалық дамуына үлестерін қоса алады.
