Алматы облысыны аумағында өндірістік нысандарды қайта жаңарту деңгейі төмен. Бұл туралы баспасөз мәслихатында ҚР ТЖМ Алматы облысының төтенше жағдайлар департаменті Өнеркәсіптік қауіпсіздік басқармасының басшысы Ринат Рахимбулеков айтты.
Депаратмент бақылауында облыс бойынша 577 кәсіпорын мен 1889 нысан бар екен. Биылғы жылы 12 бірдей өндіріс ошағының 38 бірлік қауіпті техникалық құрылғыны ауыстыру жоспарланған. Бұл көрсеткіш өткен жылмен салыстырғанда әлде қайда төмен, дейді Өнеркәсіптік қауіпсіздік басқармасының басшысы Ринат Рахимбулеков.
«Өткен жылы 8 кәсіпорында 112 қауіпті техникалық құрылғыны жаңарттық. Биылғы жылы бұл көрсеткш 66 пайызға төмен. Департамент жүргізген талдау деректері бойынша 5 жыл ішінде 246 объектіге техникалық қайта жарақтандыру жүргізілді, бұл облыстың қауіпті өндірістік объектілерінің жалпы санының 15% -ын ғана құрайды»,-деді спикер.
Ринат Қажымұратұлының айтуынша, кәсіпорын басшылары әрқашан өнеркәсіптік қауіпсіздік мәселелерін шешуге жіті назар аудара бермейді. Соның салдарынан, техникалық құрылғылар уақытылы ауыстырылмай, арты оқыс оқиғаға әкеледі.
